काठमाडौं : प्रदीप भट्टराई निर्देशित चलचित्र ‘महापुरुष’को गीत रिलिज भएको छ। मंगलबार निर्माण टिमले केन्द्र मोसन पिक्चर्सको युट्युब च्यानलबाट ‘बेमौसमी’ बोलको गीत रिलिज गरेको हो।

गीतमा गायक एसडी योगी र रेश्मा घिमिरेको आवाज रहेको छ। गीतको शब्द राम अविरल बिष्टले लेखेका हुन् ।भने, संगीत एसडी योगीकै रहेको छ। गीत प्रेमिल छ।

भिडियो पनि त्यतिकै प्रेमिल छ। कलाकार हरिवंस्ग आचार्य, गौरी मल्ल, अर्जुन छेत्री र अन्जना बराइली फिचर्ड छन् । हरिवंश र गौरीको जोडी गजब देखिएको छ। त्यसो त, अर्जुन र अन्जनाको केमिस्ट्री पनि गजब देखिएको छ भिडियोमा।

भिडियोलाई विवेक बस्यालले निर्देशन अनि प्रमोद भण्डारीले कोरियिग्राफी गरेका हुन् । आकर्षक फ्रेममा पुरुषोत्तम प्रधानले भिडियो खिचेका छन् ।

चलचित्र आगामी कार्तिक ११ गतेबाट नेपालभर प्रदर्शनमा आउनेछ । सोसल ड्रामा भनिएको ‘महापुरुष’का लेखक पनि प्रदीप भट्टराई नै हुन् ।

षट्कोण आर्ट्स प्रा.लि.को ब्यानरमा निर्मित फिल्ममा कार्यकारी निर्माता रवीन्द्रसिंह बानियाँ हुन् भने निर्माता दिपेश खत्री छन् ।

चलचित्रमा हरिवंश आचार्य, मदनकृष्ण श्रेष्ठ, गौरी मल्ल, रविन्द्र सिंह बानिया, अर्जुन छेत्री, अन्जना बराइली, राजाराम पौडेल लगायतका कलाकारहरुको अभिनय रहेको छ।

दर्जनौ म्युजिक भिडियोमा अभिनय गरिसकेकी अन्जनाको यो डेव्यु चलचित्र हो। यसै चलचित्रबाट अन्जनाको चलचित्र क्षेत्रमा यात्रा तय गर्दैछिन् । अन्जनालाई निर्माण टिमले अडिसनबाट छनोट गरेक थियो।