
काठमाडौं : एक नेपाली बालिकालाई साउथ फिल्मकी चर्चित नायिका रश्मिका मन्दानाले भेट्ने इच्छा व्यक्त गरेकी छन् । बुधबार रश्मिकाले फिल्म ‘पुष्पा’ को ‘सामी’ बोलको गीतमा नाच्दै गरेको नेपाली बालिकाको भिडियो ट्विटरमा सेयर गर्दै उनीसँग भेट्ने इच्छा व्यक्त गरेकी हुन् ।
ती बालिका मकवानपुर हेटौंडाकी रिमा थापाकी छोरी हुन् । स्कूलको एक कार्यक्रममा साथीहरूसँग डान्स गरेको उनको भिडियो टिकटकलगायत सामाजिक सञ्जालमा भाइरल भएको छ ।
जुन टिकटक भिडियोमा हालसम्म ४ लाख १५ हजार लाइक, करिब ३ हजार कमेन्ट, १४ हजार सेयर र ३८ लाख भ्युज प्राप्त भएको छ।

तेजा नामका एक ट्विटर प्रयोगकर्ताले रश्मिकालाई मेनसन गर्दै टुइट गरेकी थिइन् । सोही ट्विटलाई रिट्विट गर्दै रश्मिकाले लेखेकी छन – ‘मेड माइ डे । म यी ब्युटीफुल क्युटीलाई भेट्न चाहन्छु । कसरी भेट्न सक्छु ?’
त्यसो त, यो गीतमा लाखौं नेपालीहरुले बनाएका छन् । रश्मीकाको ध्यान ती लाखौं टिकटक भिडियोले खिचेको थिएन। तर अहिले भने यि सानी नेपाली बालिकाको भिडियोमा जानू बडो गजबको संयोग हो। अनि उनै नेपाली बालिकालाई भेट्न चाहने रश्मिकाको इच्छा पूरा होला त ? त्यो भने चासोको विषय बनेको छ।