काठमाडौं : विगत लामो समयदेखि नेपाली गीत संगीतमा निरन्तर लागिपरेकि गायिका हुन् निशा केशी। विशेषगरी मौलिक लोक तथा दोहोरी गीत गाउन रुचाउने निशा पछिल्लो समय अझ बढी सक्रिय छिन् गीत संगीतमा।

त्यसो त, निशा हाल अष्ट्रेलियामा बस्दै आइरहेकी छिन् । बसाइ अष्ट्रेलिया भएतापनि उनले दर्शक स्रोतामाझ नयाँ गीतहरु ल्याउन भने छोडेकी छैनन्। बरु झन सक्रियता बढेको छ उनको।

मौलिक अनि सुमधुर आवाज भएकी निशाले लोकप्रिय गायक तथा सर्जक वसन्त थापासंग अलि बढी सहकार्य गरेकी छिन् पछिल्लो समय। उनले वसन्त थापासंगको सहकार्यमा यस् वर्षको तीज गीत ‘माइती घर मेरो’ बजारमा ल्याएकी थिइन् ।

त्यसो त, मौलिक गीत ‘सिमफाँट’ पनि वसन्त थापासंग सहकार्य गरेर बजारमा ल्याएकी थिइन् निशाले। यसैबीच, सहकार्यलाई निरन्तरता दिँदै नयाँ गीत बजारमा ल्याएकी छिन् ।

बिहिवार ‘चरी बनभरि’ बोलको नयाँ गीत निशाले रिलिज गरेकी हुन् । गीतमा वसन्त र निशाको आवाज सुन्न सकिन्छ। गीतको शब्द अनि संगीत बसन्तकै हो। सुन्दा मौलिक लाग्ने गीतमा बसन्त र निशाको गायिकी मेलोडियस लाग्छ।

गीतको अडियोसंगै भिडियो पनि आकर्षक बनाइएको छ। भिडियोमा वसन्त थापा स्वयं फिचर्ड छन् । बसन्तका अलवा नव मोडल वर्षा क्षेत्रीलाई पनि भिडियोमा देख्न सकिन्छ।

भिडियोलाई कुमार केशीले निर्देशन गरेका हुन् । प्रशान्त मगरको कोरियोग्राफी रहेको भिडियोलाई आकर्षक फ्रेममा शिवशरण न्यौपानेले खिचेका छन् । भिडियोलाई बिकाश ज्ञवालीले सम्पादन गरेका हुन् ।

गीतको भिडियो वसन्त थापाको अफिसियल युट्युब च्यानलबाट रिलिज गरिएको हो। भिडियो..