काठमाडौं : यो वर्ष मात्रै युवा सर्जक कृष्ण बस्यालले ३ वटा तीज गीत लेखेका छन् । जसमध्ये २ वटा तीज गीत रिलिज भइसकेका छन् ।भने, एउटा रिलिज हुन बाँकि छ। रिलिज भएका २ गीतहरू ‘जान्न म नाँच्नलाई’ र ‘नाचम नाचम ओई’ हुन् ।
‘जान्न म नाँच्नलाई’ केही हप्ता अघि रिलिज भएको गीत हो भने ‘नाचम नाचम ओई’ भर्खर रिलिज भएको गीत हो। मंगलबार रिलिज ‘नाचम नाचम ओई’ गीतमा कृष्णका अब्बल शब्दहरु सुन्न सकिन्छ।
उक्त गीतमा लोकप्रिय गायक अर्जुन सापकोटा र अन्जु पोखरेलको सुमधुर आवाज रहेको छ। गीतको थेगो अर्जुनले लेखेका हुन् । गीतमा संगीत पनि अर्जुनकै रहेको छ। गीतको अडियो अब्बल छ।
त्यसो त, भिडियो पनि आकर्षक छ। भिडियोमा मोडल करिश्मा ढकाल र शरद एलजीको नृत्य रहेको छ। अमर सुनारले भिडियो निर्देशन गरेका हुन् । प्रकाश खड्काले खिचेको भिडियोलाई पदम सुवेदीले सम्पादन गरेका हुन् ।भने, रंग संयोजन मिलन बिकले गरेका हुन् ।
