काठमाडौं : लोक तथा दोहोरी गीतको संगीत सृजना गर्न एवम् गाउन अब्बल गायक हुन् खेम पुन । पछिल्लो समय गायिकी भन्दा पनि संगीत सृजनामा बढी होमिएका सर्जक पुनका नयाँ गीत रिलिज भइरहेका हुन्छन् ।

यसैबीच, यस् वर्षको तीजलाई लक्षित गर्दै एउटा नयाँ गीत रिलिज भएको छ। केही दिन अघि रिलिज स्यानी २ ‘राजा रानी’ बोलको गीतमा खेमको उत्कृष्ट संगीत संकलन सुन्न सकिन्छ। यो गीत सुन्दा खेमले संगीत सृजनामा अब्बलता देखाएको महसुस हुन्छ।

गीतमा लोकप्रिय गायक रबिन लामिछाने र गायिका अमृता श्रीपालको सुमधुर आवाज रहेको छ। गीतको शब्द सर्जक केशव पौडेलले लेखेका हुन् । एक दम्पतीको कुरालाई गीतमा समाबेश गरिएको छ।

गीतको अडियोसंगै भिडियो पनि आकर्षक बनाइएको छ। भिडियोमा लोकप्रिय मोडल दुर्गेश थापा र रबिना भन्डारीलाई फिचरिङ गरिएको छ। दुर्गेश र रबिनाको आकर्षक अभिनय अनि डान्स भिडियोमा देख्न सकिन्छ।

भिडियोलाई प्रबिन थापाले निर्देशन गरेका हुन् । आकर्षक फ्रेममा नवराज उप्रेतीले खिचेको भिडियोलाई प्रबिन भट्टले सम्पादन गरेका छन् ।

गीतको अडियो भिडियोका निर्माता तिलु शर्मा हुन् । गीत संगीत प्रति निकै झुकाव राख्ने तिलुले यस् अघि पनि आधा दर्जन बढी गीत निर्माण गरिसकेका छन् । तिलु बाबा इन्टरटेन्मेन्ट टिभीका संचालक पनि हुन् । यो गीतलाई बाबा इन्टरटेन्मेन्ट टिभी मार्फत रिलिज गरिएको हो। भिडियो..