काठमाडौं : बहुप्रतिक्षित चलचित्र ‘पानीफोटो’ आज शुक्रबारबाट देशभर प्रदर्शनमा आएको छ। लेखक तथा कलाकार खगेन्द्र लामिछानेको निर्देशित चलचित्रलाई लिएर दर्शकहरु निकै उत्साहित थिए।
चलचित्रको पोस्टर रिलिज भएदेखि नै चर्चा सुरुभएको हो। त्यसो त, चलचित्रको टिजर अनि ट्रेलरले पनि दर्शकको ध्यान एकदमै खिचेको थियो।अन्ततः नेपालमा भएका दर्शकले अब हलमै गएर हेर्न सक्नेछन् ।
जनयुद्धमा हराएको सन्तानलाई खोजी गर्ने अभिभावकको संघर्षमा केन्द्रित रहेको छ चलचित्र । चलचित्रमा अनुप बराल, मेनुका प्रधान,खगेन्द्र लामिछाने, मलिका महत, प्रकाश घिमिरे, बुद्धि तामाङ लगायतका कलाकारहरुको मुख्य भुमिका रहेको छ।
खगेन्द्र लामिछानेको यो डेव्यु निर्देशित चलचित्र हो। चलचित्रमा खगेन्द्र कै लेखन रहेको छ। टुकी आर्ट्स र मञ्जुश्री फिल्मस्को सहकार्यमा निर्माण भएको यो फिल्मलाई रोजिना सिटौला र रविन्द्र बज्राचार्यले लगानी गरेका छन्।
