काठमाडौं : पछिल्लो समयका व्यस्त अनि अब्बल निर्देशक विशाल घिमिरे निर्देशित नयाँ म्युजिक भिडियो रिलिज भएको छ। शुक्रबार रिलिज ‘जान्छु म लाहुर’ बोलको गीतमा गायिका सम्झना भण्डारी र तिलक बस्नेतको सुमधुर आवाज रहेको छ।

गीतको शब्द सुमी राई लिम्बुले लेखेको हुन् ।भने, संगीत तिलक बस्नेतले नै तयार गरेका हुन् । गीतको शब्द, संगीत अनि गायिकीले सुन्ने जोकोहीको मन छुन्छ।

त्यसो त, गीतको अडियोलाई न्याय दिनेगरि भिडियो तयार पारेका छन् निर्देशक विशाल घिमिरेले। भिडियो सरर कथामा बगेको छ।

भिडियोमा कलाकार गौरव पहारी र लक्ष्मी बर्देवा फिचर्ड छन् । एउटा सुकुम्बासी बस्तीमा बस्ने परिवारको कथालाई भिडियोमा देखाइएको छ।

एकदिन आफ्नो बस्तीमा डोजर चल्छ, आफ्नो कमाइले खानलाउन गाह्रो हुन्छ। त्यसपछि श्रीमान (गौरव पहारी) र श्रीमती (लक्ष्मी बर्देवा)ले आफ्नो सानो छोरीलाई गाउँ छोडेर धन कमाउनको लागि दुबैजना विदेशीने निर्णय गर्छन् । अन्ततः छोरीलाई गाउँमा छोडेर श्रीमान श्रीमती धन कमाउन विदेश लाग्छन् । भिडियोको कथा यसैको पेरिफेरिमा घुमेको छ। अझ भनौं अभावको कथा छ भिडियोमा।

एउटा सिनेमा हेरेजस्तो महसुस गराउँछ भिडियोले। यस् कुरामा चाहिँ निर्देशक अब्बल देखिएका छन् । देबेन्द्र बब्लुले लेखेको कथामा गौरव र लक्ष्मीले जीवन्त अभिनय गरेका छन् ।

भिडियोलाई नवराज उप्रेतीले खिचेका हुन् । त्यस्तै, प्रबिन भट्टले भिडियो सम्पादन गर्ने काम गरेका छन् । गीतको भिडियो ‘पृथ्वी इन्टरटेन्मेन्ट’को युट्युब च्यानलबाट रिलिज गरिएको हो। भिडियो..