काठमाडौं : गत शुक्रबारबाट प्रदर्शनमा आएको चलचित्र ‘कबड्डी ४’ ले रिलिज भएको ४ दिनमै १० करोड बढी आम्दानी गर्न सफल भएको छ।

रिलिजको दिन देखिनै दर्शकको अत्याधिक साथ पाउँदै बम्पर व्यापार गर्दै आइरहेको चलचित्रले ४ दिनमा करिब १० करोड आम्दानी गरेको चलचित्रका बितरक गोबिन्द शाहीले जनाएका छन् ।

वितरक शाहीका अनुसार चलचित्रले रिलिजको ५ औं दिनसम्म करिब १३ करोडको हाराहारीमा ग्रस कलेक्सन गरेको छ। त्यसो त, छोटो समयमै १० करोड कमाउने चलचित्रको रेकर्ड समेत यस् चलचित्रले राख्न सफल भएको छ।

चलचित्रले लाइफटाइम सम्म ३० करोड बढी व्यापार गर्न सक्ने अनुमान वितरक गोबिन्द शाहीको रहेको छ। जुन कुरा वितरक शाहीले एक युट्युब च्यानलको अन्तर्वार्तामा भनेका थिए।

त्रिकोणात्मक प्रेम कथामा आधारित चलचित्रमा अभिनेता दयाहाङ राइ, सौगात मल्ल र मिरुना मगर, बुद्धि तामाङ, विजय बराल, कमलमणि नेपाल, पुष्कर गुरुङ, प्रकाश घिमिरे, माओत्से गुरुङ लगायतका कलाकारको पनि चलचित्रमा अभिनय रहेको छ।

फाइनल म्याच भनिएको यस् चलचित्रको कथा रामबाबु गुरुङ र उप्रेन्द्र सुब्बाले संयुक्त रुपमा लेखेका हुन् ।

ओम चन्द रौनियार र अर्जुन कार्की कार्यकारी निर्माता रहेको चलचित्रलाई शैलेन्द्र डि कार्कीले खिचेका हुन् ।भने, मित्र डि गुरुङले सम्पादन गरेका हुन् ।

यस् भन्दा अघिका ३ वटा सिरिजलाई दर्शकले अत्याधिक रुचाएका थिए र ३ वटै सिरिज सफल पनि भएका थिए।