नेपालगन्ज : दर्शकले अत्याधिक कुरेर बसेको चलचित्र “कबड्डी ४” भोलि शुक्रबारबाट देशभर रिलिज हुँदैछ।

लामो समयदेखि दर्शकले कुरेर बसेको चलचित्र भएर होला देशका अधिकांश हलहरुले राम्रो शो दिएका छन् । रिलिज अगावै यस् चलचित्रको नेपालभर प्रायः सबै टिकट शोल्डआउट भइसकेको छ।

यसैबीच, नेपालगन्जको क्युएफएक्स सिनेमाज बागेश्वरीमा पनि यस् चलचित्रलाई ८ शो दिइएको छ। दिइएका ८ शो नै हाउसफुल भइसकेको क्युएफएक्स स्रोतले जनाएको छ। यस् कारणले पनि देशभर लगायत नेपालगन्जमा समेत शुक्रबार चलचित्रको बम्पर ओपनिङ हुने अनुमान गरिएको छ।

सार्वजनिक भएको मौलिक कमेडी अनि मौलिक प्रेमले भरिएको छ ट्रेलर र गीतले दर्शकको अत्याधिक मन जितेको भएर पनि चलचित्र हेर्न निकै उत्साहित छन् दर्शक।

त्रिकोणात्मक प्रेम कथामा आधारित चलचित्रमा अभिनेता दयाहाङ राइ, सौगात मल्ल र मिरुना मगर, बुद्धि तामाङ, विजय बराल, कमलमणि नेपाल, पुष्कर गुरुङ, प्रकाश घिमिरे, माओत्से गुरुङ लगायतका कलाकारको पनि चलचित्रमा अभिनय रहेको छ।

फाइनल म्याच भनिएको यस् चलचित्रको कथा रामबाबु गुरुङ र उप्रेन्द्र सुब्बाले संयुक्त रुपमा लेखेका हुन् ।

ओम चन्द रौनियार र अर्जुन कार्की कार्यकारी निर्माता रहेको चलचित्रलाई शैलेन्द्र डि कार्कीले खिचेका हुन् ।भने, मित्र डि गुरुङले सम्पादन गरेका हुन् ।

यस् भन्दा अघिका ३ वटा सिरिजलाई दर्शकले अत्याधिक रुचाएका थिए र ३ वटै सिरिज सफल पनि भएका थिए।