काठमाडौं : पोस्टरबाटै दर्शकको मन आकर्षित पार्न सफल चलचित्र ‘चिसो मान्छे’को ट्रेलर रिलिज भएको छ। राजधानीमा सोमबार एक कार्यक्रमको आयोजना गर्दै निर्माण टिमले ट्रेलर रिलिज गरेको हो।

रिलिज भएको ३ मिनेट १६ सेकेन्डको ट्रेलरमा चलचित्रकी मुख्य कलाकार नायिका स्वस्तिमा खड्कालाई भिन्नै लुक्समा देखाइएको छ। त्यसो त, स्वस्तिमाको उक्त लुक्स पोस्टरमै सार्वजनिक गरिएको थियो। तथापि, ट्रेलरमा उनको बोलचाली एवम् पहिरन कर्णाली प्रदेशको रहेको छ।

स्वस्तिमाका अलवा कलाकार देशभक्त खनाल, अभिनेता अर्पण थापालाई पनि ट्रेलरमा देखाइएको छ। ट्रेलर हेर्दै गर्दा कताकता भावुक पनि भइन्छ। एउटा शव बन्द अनि हडताल जस्ता क्रियाकलापले समयमै घरमा पुग्न पाउँदैन, समयमा घाटमा पुग्न पाउँदैन । ट्रेलरमा भएको जुन दृश्यले मन छुन्छ।

चलचित्रलाई नेपाली सिने क्षेत्रमा अब्बल निर्देशकको छबि बनाएका निर्देशक दिपेन्द्र के खनालले निर्देशन गरेका हुन् । त्यसो त, चलचित्रको लेखन अनि छायांकन समेत निर्देशक खनालले नै गरेका छन् ।भने, दिर्घ खड्काले सम्पादन गरेका हुन् ।

शर्मिला पाण्डेले निर्माण गरेको चलचित्र आगामी असार ३ गतेबाट रिलिजमा आउँदैछ। चलचित्रका प्रस्तुतकर्ता अमृत पाण्डे हुन् । चलचित्रमा समाजको कथालाई उठाइएको छ।

चलचित्रमा स्वस्तिमा, अर्पण र देशभक्तका अलवा प्रभाकर न्यौपाने, झकेन बिसी, आशान्त शर्मा, रामबाबु रेग्मी, सृष्टि आचार्य लगायतको पनि अभिनय रहेको छ।

वर्षकै प्रतिक्षित चलचित्रको रुपमा यस् चलचित्रलाई हेरिएको छ। पोस्टरबाटै एकखालको हाइप बनाएको चलचित्रलाई दर्शकले कत्तिको रुचाउँछन् अनि साथ दिन्छन् त्यो त रिलिज मिति नै कुर्नुपर्ने हुन्छ। ट्रेलर..