सविना वान्तवा/काठमाडौं : बलिउड फिल्म “जर्सी”को रिलिज मिति १ साताको लागि स्थगित भएको छ।
१४ अप्रिल २०२२ मा रिलिज हुने भनिएको फिल्म एक साताको लागि पछि सारिएको हो। केजिएफ २ र बीस्ट फिल्मका कारण रिलिज हुने मिति स्थगित भएको बताइएको छ।
गौतम तिन्नानुरीको लेखनमा रहेको फिल्मको निर्माण भने दिल राजु,सूर्यदेवरा नगा वाम्सी, अमन गिलले गरेका हुन्। फिल्ममा एक कृषक परिवारमा जन्मिएका युवाको क्रिकेट प्रतिको लगावलाई देखाईएको छ। शाहिद कपुर,मृणाल ठाकुर,पंकज कपुर लगायतका कलाकारहरुको फिल्ममा अभिनयमा रहेको छ।
फिल्मलाई अनिल महेताले खिचेका हुन्। गीतमा अनिरुद्ध रविचन्द्रको शब्द र सचेत पराम्पराको स्वरमा रहेको छ।
तीन पटक रिलिज स्थगित गरिएको फिल्मले चौथो पटक रिलिज मिति स्थगित गरेको हो। अब यो फिल्म २२ अप्रिल,२०२२ मा रिलिज हुनेछ।
