सविना वान्तवा/काठमाडौं : कलाकार शिवहरी पौडेल निर्देशित चलचित्र “लक्का जवान”को ट्रेलर रिलिज गरिएको छ। मंगलबार काठमाडौंमा एक कार्यक्रमको आयोजना गर्दै निर्माण टिमले ट्रेलर रिलिज गरेको हो।
आगामी वैशाख १३ गतेदेखि रिलिज हुन लागेको चलचित्रको सार्वजनिक ट्रेलरमा अधिकांश कलाकारलाई अटाइएको छ। कमेडिले भरिएको छ ट्रेलर।
चलचित्रमा प्रियङका कार्की, दिलीप रायमाझी, सलोन बस्नेत, वर्षा शिवाकोटी, किरण केसी, राजाराम पौडेल, शिवहरि पौडेल, सुशील पोखरेल, स्वर्गीय जयनन्द लामा लगायतको अभिनय रहेको छ।
चलचित्रलाई पुरुषोत्तम प्रधानले खिचेका हुन् भने मित्र डि गुरुङले सम्पादन गरेका छन् । किरण केसी, शिवहरी पौडेल र दिलीप रायमाझी चलचित्रका प्रमुख निर्माता हुन् ।
चलचित्रमा शिवहरिकै कथा, पटकथा एवम संवाद रहेको छ। आमा बंगलामुखी फिल्मस प्रोडक्सन प्रालीको व्यानरमा चलचित्र निर्माण भएको हो।
