काठमाडौं : युवा निर्देशक विशाल घिमिरे नेपाली सांगीतिक क्षेत्रमा पछिल्लो समय अब्बल अनि व्यस्त निर्देशकको रुपमा चिनिन्छन। म्युजिक भिडियोमा विशेषगरी कथाहरु उतार्न खप्पिस विशालका पछिल्लो समय हप्तौं जसो म्युजिक भिडियो रिलिज हुने गर्छन्।

यसैबीच, विशाल निर्देशित नयाँ म्युजिक भिडियो युट्युबमा रिलिज भएको छ। बुधबार रिलिज “सपना नै तिमी मेरो” बोलको गीतमा लोकप्रिय गायिका अस्मिता अधिकारी र सुनिल धड्कनको सुमधुर आवाज रहेको छ।

गीतमा रोहित भुजेलको शब्द अनि विशाल निरौलाको संगीत रहेको छ। विशाल निरौलाले नै गीतको संगीत संयोजन गरेका हुन् । प्रेमिला शब्दहरुले भरिएको गीतको अडियो उत्कृष्ट छ।

गीतको अडियोमा जति प्रेमिल भाबको महसुस गरिन्छ, भिडियोमा झन प्रेमिल भाब झल्किन्छ। भिडियोमा कलाकार देवेन्द्र बब्लुलाई देख्न सकिन्छ। देवेन्द्रका अलवा कलाकार मेलिना गुरुङ पनि भिडियोमा फिचर्ड छिन् । उनीहरू दुबैजनाको केमिस्ट्री गजब देखिएको छ भिडियोमा।

एउटा सामान्य बंगुर पालन गर्ने युवक र किराना पसल गर्ने युवतीबीचको प्रेमिल प्रेम कथालाई भिडियोमा उत्कृष्ट तरिकाले देखाएका छन् निर्देशक विशाल घिमिरेले। सामान्य कुरालाई पनि फरक ढंगले भिडियोमा उतार्ने काम निर्देशक घिमिरेले गरेका छन् ।

त्यसो त, देवेन्द्र र मेलिनाको अभिनय पनि वास्तविक झै लाग्ने गर्छ। आकर्षक फ्रेममा नवराज उप्रेतीले खिचेको भिडियोलाई सम्पादन गर्ने काम मनोज कार्कीले गरेका हुन् । भिडियो..