काठमाडौं : निर्देशक रामबाबु गुरुङ निर्देशित चलचित्र “कबड्डी ४”को पहिलो गीत रिलिज गरिएको छ। सोमबार रिलिज “केशरी”बोलको गीतमा एसडी जोशीको स्वर अनि संगीत रहेको छ। त्यस्तै, गीतको शब्द राम अविरल विष्टले लेखेका हुन् ।

गीतको मेलोडियस अनि प्रेमिल भावलाई भिडियोमा उत्कृष्ट तरिकाले देखाइएको छ। भिडियोमा चलचित्रका अभिनेता सौगात मल्ल र अभिनेत्री मिरुना मगर फिचर्ड छन् ।

प्रेमिल मुडमा सौगात र मिरुना भिडियोमा प्रस्तुत छन् । उनीहरूको जोडी गजब देखिएको छ भिडियोमा। कृष्ण र राधाको अवतारमा सौगात र मिरुनालाई देख्न सकिन्छ।

चलचित्र आगामी जेष्ठ १३ गतेबाट रिलिज हुनेछ। त्रिकोणात्मक प्रेम कथामा आधारित चलचित्रमा अभिनेता दयाहाङ राइको पनि मुख्य भुमिका रहेको छ। दया, सौगात र मिरुनाका अलवा बुद्धि तामाङ, विजय बराल, कमलमणि नेपाल, पुष्कर गुरुङ, प्रकाश घिमिरे, माओत्से गुरुङ लगायतका कलाकारको पनि चलचित्रमा अभिनय रहेको छ।

चलचित्रको केही महिना अघि ट्रेलर रिलिज गरिएको थियो। ट्रेलर रिलिज पश्चात् दर्शकहरु चलचित्रलाई लिएर निकै उत्साहित छन् । फाइनल म्याच भनिएको यस् चलचित्रको कथा रामबाबु गुरुङ र उप्रेन्द्र सुब्बाले संयुक्त रुपमा लेखेका हुन् ।

ओम चन्द रौनियार र अर्जुन कार्की कार्यकारी निर्माता रहेको चलचित्रलाई शैलेन्द्र डि कार्कीले खिचेका हुन् ।भने, मित्र डि गुरुङले सम्पादन गरेका हुन् ।

यस् भन्दा अघिका ३ वटा सिरिजलाई दर्शकले अत्याधिक रुचाएका थिए र ३ वटै सिरिज सफल पनि भए। अब चौथो सिरिजलाई दर्शकले कत्तिको रुचाउने हुन् त्यो त, रिलिज मिति नै कुर्नुपर्ने हुन्छ।