काठमाडौं : पछिल्लो समय दर्शक स्रोताले रुचाएका गायक बादल थापाको आवाजमा केही हप्ता अघि एउटा नयाँ गीत बजारमा आयो। उक्त गीत हो “सम्झी सम्झी” बोलको गीत।

गीतलाई निर्माण टिमले सामान्य लिप्सिङ भिडियो बनाएर रिलिज गरेको थियो। निकै मनछुने उक्त गीतमा सुरेश रानाको शब्द अनि संगीत छ। बादलको गायिकी निकै मनछुने छ।

अडियो निकै मनछुने रहेको उक्त गीतको अफिसियल भिडियो आइदिए हुने भन्ने दर्शक स्रोताको निकै अपेक्षा समेत थियो। किनकी गीतले टिकटकमा राम्रो दर्शक कमाइसकेको थियो। अन्ततः उक्त गीतको अफिसियल भिडियो रिलिज भएको छ।

केही दिन अघि रिलिज भिडियोमा प्रविन भट्ट फिचर्ड छन् । नेपाली सांगीतिक क्षेत्रमा अब्बल म्युजिक भिडियो सम्पादकको छवि बनाएका प्रविनले भिडियोमा जीवन्त अभिनय गरेका छन् । प्रविनका अलवा राशी क्षेत्रीलाई पनि भिडियोमा देख्न सकिन्छ। प्रविन र राशीको केमिस्ट्री गजब छ।

बुढेसकालमा आफ्नो विगतको प्रेमजोडीलाई सम्झीँदा हुने पिडालाई भिडियोमा उत्कृष्ट तरिकाले देखाइएको छ। कारुणिक प्रेम पिडा बोध हुने कथा भिडियोमा देख्न सकिन्छ।

भिडियोलाई युवा निर्देशक सागरबाबु भट्टले निर्देशन गरेका हुन् । प्रायः कमै भिडियो निर्देशन गर्ने सागरले यस् भिडियोमा अब्बलता प्रस्तुत गरेका छन् ।

अजय रेग्मीको टिमले भिडियो खिचेको हो। भिडियोलाई सम्पादन गर्ने काम अधिनायकमान शेरचनले गरेका हुन् । त्यस्तै, भिडियोमा मिलन विश्वकर्माको रंग संयोजन रहेको छ। भिडियोलाई “भिडियो भकारी” नामक युट्युब च्यानलबाट रिलिज गरिएको हो।

रिलिज पश्चात् भिडियोलाई युट्युवमा दर्शकको राम्रो प्रतिक्रिया मिलेको छ। भिडियोको कथा वस्तुले मनछोएको प्रतिक्रिया अधिकांश दर्शकको रहेको छ। भिडियो..