काठमाडौं : प्राकृतिक हिसावले निकै सुन्दर मानिने जिल्ला हो अछाम। मनोरम दृश्यहरुले सजिएको अछाममा पछिल्लो समय म्युजिक भिडियोहरु छायांकन हुनेक्रम बढ्दो छ।

यसैक्रममा, हालसालै मात्र अछाममै खिचिएको एउटा नयाँ म्युजिक भिडियो रिलिज भएको छ। सोमबार रिलिज “ओए वसन्ती”बोलको म्युजिक भिडियोमा अछामका विभिन्न आकर्षक स्थानहरुलाई देखाइएको छ।

पत्रकार समेत रहेका कलाकार कृष्णराज अधिकारी र मौसमी राना मगर भिडियोमा फिचर्ड छन् । भिडियोमा समाबेश गीतमा भरत अधिकारीको शब्द, संगीत अनि सुमधुर आवाज रहेको छ।

पश्चिमको देउडा भाषामा आधारित गीतको अडियोसंगै आकर्षक भिडियो बनेको छ। कृष्णराज र मौसमीको केमिस्ट्री भिडियोमा गजब देखिएको छ। अछामको पन्चदेवल, कर्णाली नदी, वेलकोट पुल लगायतका आकर्षक स्थानहरुको दृश्य भिडियोमा देख्न सकिन्छ।

एउटा प्रेमिकालाई फकाइरहेको युवकको कथालाई भिडियोमा गजब तरिकाले प्रस्तुत गरिएको छ। भिडियोका निर्देशक कृष्णराज अधिकारी नै हुन् । आकर्षक फ्रेममा भिडियो खिच्ने काम रामु चौधरीले गरेका छन् ।त्यसो त, भिडियोको सम्पादन पनि रामुले नै गरेका हुन् ।

भिडियो ओएसआर डिजिटलको युट्युब च्यानबाट रिलिज गरिएको हो। भिडियो..