
काठमाडौं : लोकप्रिय गायक प्रकाश सपुतले संवरण पदक एवम् नगदसहितको पुरस्कार पाउन सफल भएका छन् ।
नेपाल जेसिज उत्कृष्ट युवा छनोट समिती २०२१ ले गायक सपुतलाई छनोट गरि “नेपाल जेसिस वर्ष २०२१”को उत्कृष्ट युवा पुरस्कार प्रदान गरेको हो।
गायक सपुतलाई साहित्य तथा कला संगीतमा उल्लेखनीय योगदान पुर्याएबापत शुक्रबार पोखरामा एक कार्यक्रमको आयोजना गरि सो पुरस्कार प्रदान गरिएको हो। गायक सपूत बागलुङ जेसिजको छनोटमा पर्न सफल भएका हुन् ।
उनलाई भव्य सम्मानसहित पुरस्कार बितरण गरिएको थियो। पुरस्कार प्राप्त गरेपछि उनले छनोट गर्ने जेसिस युनिटलाई धन्यवाद समेत दिएका छन् ।