नेपालगन्ज : पछिल्लो समयकी लोकप्रिय गायिका हुन् अस्मिता अधिकारी । नेपाल आइडलबाट चर्चामा आएकी अस्मिता पछिल्लो समय नयाँ गीत रेकर्डिङमा निकै व्यस्त हुने गर्छिन् ।
छोटो समयमै दर्शक स्रोताको अत्याधिक माया पाउन सफल अस्मिता पछिल्लो समय स्टेज कार्यक्रममा पनि व्यस्त हुन थालेकी छिन् । हालैमात्र अस्मिता नेपालगन्जको एक कार्यक्रममा सहभागी भएकी थिइन् ।
अस्मिताको स्टेज कार्यक्रम नेपालगन्जमा पहिलो हो। गृष्मा बोर्डकास्टिङ्को आयोजनामा भइरहेको “सप्तरंग ३” को लुम्बिनी प्रदेश अन्तर्गत बिहिवार नेपालगन्जमा भएको कार्यक्रममा अस्मिताले गजबको प्रस्तुति दिइन।
जब अस्मिता “तिम्रो घरको वरिपरि” भन्दै स्टेज उक्लिइन, तब दर्शकको ताली र हुटिङको ओइरो लाग्यो। अस्मिताको प्रस्तुति हेर्न हजारौं दर्शक नेपालगन्जको रामलिला मैदानमा पुगेका थिए।
“तिम्रो घरको वरिपरि”, “रमरम मरौटी”, “साली मन पर्यो” लगायत आधा दर्जन लोकप्रिय गीत गाएर अस्मिताले दर्शकलाई झुमाएकी थिइन।
अब हेरौं पहिलोपटक गायिका अस्मिता अधिकारीले नेपालगन्जमा दिएको प्रस्तुति तस्वीरमा…
