काठमाडौं : नेपाली चलचित्र पत्रकारितामा आफ्नो बेग्लै पहिचान बनाएका युवा चलचित्र पत्रकार हुन् सुजन श्रेष्ठ । पत्रकारिता संगै टिभी प्रोग्राम उत्पादन गर्दै आएका सुजनको अबदेखि भने थप पहिचान थपिएको छ।
सुजनले पत्रकारितासंगै मोडलिङ समेत डेव्यु गरेका छन् । उनी अभिनित पहिलो म्युजिक भिडियो यतिबेला रिलिज भएको छ। आइतबार रिलिज भएको “लेकैमा फुल्ने” बोलको म्युजिक भिडियोमा सुजनले उत्कृष्ट अभिनय गरेका छन् ।
सुजनका अलवा मोडल अञ्जली शाहीको पनि भिडियोमा अभिनय रहेको छ। डेव्यु म्युजिक भिडियो भएतापनि सुजनको अभिनय प्रोफेसनल जस्तै लाग्ने गर्छ।
एउटा प्रेमिल प्रेम जोडीको कथा वस्तुमा आधारित भिडियोमा सुजन र अञ्जलीको केमिस्ट्री गजबको देखिएको छ। सुजनको अभिनय हेर्दा पत्रकारितासंगै मोडलिङमा पनि राम्रो सम्भावना देख्न सकिन्छ।
भिडियोमा समाबेश गीतमा तिलचन आचार्यको आवाज अनि शब्द रहेको छ।भने, रमेश अन्जान कडरियाको संगीत रहेको छ। गीतको अरेन्ज सुमन केसीले गरेका छन् ।
भिडियोलाई अमृत सुनुवारले निर्देशन गरेका हुन् । आकर्षक फ्रेममा धन योन्जन तामाङले खिचेको भिडियोका सम्पादक माधव बेल्बासे हुन् । भिडियो “हाम्रो कृयटिभ कृयशन” नामक युट्युब च्यानलबाट रिलिज गरिएको हो। भिडियो..
