काठमाडौं : नेपाली सांगीतिक क्षेत्रमा फरक निर्देशकको पहिचान बनाएका युवा निर्देशक हुन् सागरबाबु भट्ट। थोरै तर गुणस्तरीय काम गर्न तल्लीन हुने सागर निर्देशित म्युजिक भिडियो सांगीतिक बजारमा थोरै छन् । संख्यात्मक हिसाबले सागरले निर्देशन गरेका म्युजिक भिडियो कमै भएपनि दर्शक माझ निकै रुचाइएका छन् ।

यसैबीच, सागर निर्देशित नयाँ म्युजिक भिडियो यतिबेला बजारमा छ। शुक्रबार रिलिज भएको “कसरी हाँस्न सक्छु र म” बोलको म्युजिक भिडियोमा सागरको उत्कृष्ट निर्देशन रहेको छ।

भिडियोमा समाबेश गीत प्रकाश गुरुङले गाएका हुन् । गीतमा प्रकाशकै शब्द अनि संगीत पनि रहेको छ। प्रेम वियोगको पिडामा आधारित गीतको अडियो मनछुने छ।

गीतको अडियोले जति मनछुन्छ, भिडियो झन मर्मस्पर्शी बनेको छ। भिडियोमा कलाकार सागर थापा ‘धुर्व’ र रोश्नी कार्की फिचर्ड छन् । एउटा प्रेमीले आफ्नो प्रेमिका अर्कैसंग अन्मिँदा भोग्नुपरेको पीडा एवम् प्रेम वियोगको कथालाई भिडियोमा निर्देशकले उत्कृष्ट तरिकाले प्रस्तुत गरेका छन् ।

त्यसो त, सागर र रोश्नीको अभिनय पनि भिडियोमा जीवन्त लाग्नेगर्छ। सागर र रोश्नीको अभिनयले हेर्ने जोकोहीको ध्यान सुरुदेखि अन्तिम सम्म केन्द्रित पार्दछ।

सागर र रोश्नी थेयटर आर्टिस्ट भएर पनि होला भिडियोका दृश्यहरु वास्तविक लाग्ने झै गरेर उनीहरूले अभिनय निभाएका छन् । जुन कुरा भिडियो हेर्दा आभाष हुनेगर्छ।

समग्रमा भिडियोको सबै पक्ष अब्बल नै छ। राज पोखरेलको भिडियो खिचेका हुन् । त्यस्तै, भिडियोलाई सम्पादन गर्ने काम मनोज कार्कीले गरेका छन् । गीत गायक प्रकाश गुरुङको अफिसियल युट्युब च्यानलबाट रिलिज गरिएको हो। भिडियो..