काठमाडौं : नेपाली सांगीतिक क्षेत्रमा अब्बल संगीतकारको रुपमा छवि बनाएका संगीतकार हुन् सुवास भुसाल। संख्यात्मक भन्दा पनि गुणात्मक काम गर्न रुचाउने सवासद्वारा संगीत गरिएका सयौं गीत बजारमा छन् । जसमध्ये अधिकांश गीतहरू दर्शक स्रोतामाझ निकै लोकप्रिय छन् ।

यसैबीच, सुवासले संगीत गरेको पछिल्लो नयाँ गीतमध्ये एउटा गीतले दर्शक स्रोताको माया पाइरहेको छ। उक्त गीत हो “कति राम्री” बोलको गीत। जुन गीत केही हप्ता अघि “बोधी एचडी” नामक युट्युब च्यानलबाट रिलिज गरिएको थियो।

गीतमा लोकप्रिय गायक किरण गजमेर र गायिका अस्मिता अधिकारीको सुमधुर आवाज रहेको छ। गीतमा रमेश एमके पौडेलको शब्द रहेको छ।भने, सुवास भुसालको अब्बल संगीत सुन्न सकिन्छ।

सुवासको मेलोडियस संगीतले गीतको अडियो सजिएको छ। गीतको शब्द अनुसार उत्कृष्ट संगीत सुवासले यस् गीतमा दिएका छन् । त्यसो त, किरण र अस्मिताको गायिकी पनि अब्बल अनि मिठासयुक्त सुनिएको छ।

गीतको अडियो जति मेलोडियस लाग्छ, भिडियो झन आकर्षक बनेको छ।

भिडियोमा लोकप्रिय नायक पुष्प खड्का र नायिका पूजा शर्मा फिचर्ड छन् । एक मायलु प्रेमिल प्रेमकथालाई भिडियोमा देखाइएको छ। पूजा र पुष्पको केमिस्ट्री भिडियोमा गजब देखिएको छ।

भिडियोलाई रामजी लामिछानेले निर्देशन गरेका हुन् । आकर्षक फ्रेममा मानकृष्ण महर्जनले खिचेको भिडियोका सम्पादक अच्युत बजगाईँ हुन् ।

रिलिज भएदेखि गीतको अडियो भिडियोलाई राम्रो प्रतिक्रिया मिलेको छ। कतिपत दर्शकले अडियोको ताफिफ गरेका छन् त कतिपयले भिडियोको। समग्रमा युट्युबमा आएका कमेन्ट हेर्दा दर्शक स्रोताले राम्रो प्रतिक्रिया दिँदै रुचाएको जनाएका छन् । भिडियो..