नेपालगन्ज : कोरोनाका कारण नयाँ नेपाली चलचित्र प्रदर्शनमा आएका छैनन् । नेपाली नयाँ चलचित्र रिलिजमा नआएपनि रोहित सिट्टी निर्देशित बलिउड चलचित्र “सूर्यवंशी” रिलिजमा आउने भएपछि केन्द्र लगायत केन्द्र बाहिरका हलहरु सन्चालनमा आउने भएका छन् ।
यसैबीच, कोरोनाका कारण बन्द रहेको नेपालगन्जको क्युएफएक्स सिनेमाज बागेश्वरी पनि आजबाट पुनः सन्चालनमा आएको छ।
सुपरस्टार अक्षय कुमार, अजय देवगन, रणवीर सिंह, कट्रीना कैफ लगायतका चर्चित बलिउड कलाकारहरु अभिनित “सूर्यबंशी” आजदेखि रिलिजमा आउने भएपछि क्युएफएक्स सिनेमाज बागेश्वरी सन्चालनमा आएको क्युएफएक्स स्रोतले जनाएको छ।
नयाँ चलचित्र रिलिज हुनेभएपछि नेपालगन्ज लगायत पश्चिमका चलचित्र पारखीहरुलाई राहत पक्कै मिल्नेछ। चलचित्र “सूर्यबंशी” एक्सन थ्रीलर मुभी रहेको बताइएको छ।
