काठमाडौं : पछिल्लो समय नेपाली सांगीतिक क्षेत्रमा कुशल म्युजिक भिडियो सम्पादकको छबि बनाएका सम्पादक हुन् सुजन कोइराला । दिनहुुँजसो म्युजिक भिडियो सम्पादनमै व्यस्त हुने सुजन कलाकार समेत हुन् ।

उनले अभिनय गरेका म्युजिक भिडियोहरुसंगै सम्पादन गरेका दर्जन बढी भिडियो बजारमा छन् । यसैबीच, सुजनले हालसालै मात्र सम्पादन गरेको एक तामाङ भाषाको नयाँ म्युजिक भिडियो रिलिज भएको छ।

केही दिन अघि रिलिज भएको “एलान तिङ्ला ढुकढुकी” बोलको म्युजिक भिडियो सुजनले सम्पादन गरेका हुन् । प्रायः नेपाली भाषाकै म्युजिक भिडियो सम्पादन गर्ने सुजनका लागि तामाङ भाषाको भिडियो सम्पादन गर्नु बिलकुलै नौलो थियो।

तरपनि सुजनले उत्कृष्ट तरिकाले सम्पादन एवम् रंग संयोजक गरेका छन् यो भिडियोमा। अनिष लामाले निर्देशन गरेको भिडियोमा आकाश लामा र यङगी दोङ फिचर्ड छन् । उनीहरूको जोडी भिडियोमा गजब देखिएको छ। आकर्षक फ्रेममा हरिष महराले खिचेको भिडियोमा समावेश गीतमा सुमिना लो र आकाश लामाको सुमधुर आवाज रहेको छ।

गीतमा शब्द र संगीत जोग लामाले गरेका छन् । मेलोडियस एवम् प्रेमिल लाग्ने गीत “जिग्मे मिडिया”को अफिसिल युट्युव च्यानलबाट रिलिज गरिएको हो। भिडियो…