काठमाडौं : मखमली आवाजका धनी भनेर नेपाली सांगीतिक क्षेत्रमा चिनिने गायक हुन् शनि विश्वकर्मा। उमेरले सानै छन् तर पनि कलाको हिसावले उच्च छन् शनि। त्यसो त नेपालको पहिलो लोक दोहोरी गायन रियालीटी शो “लोक स्टार”का विजेता समेत हुन् उनी।

सुमधुर आवाजका कारण दर्शक स्रोताको मनमा बसेका शनिका बजारमा थोरै गीत रिलिज भएका छन् ।तर अधिकांश गीत लोकप्रिय बनेका छन् ।

यसैबीच, शनिको आवाजमा रहेको एउटा नयाँ गीत यतिबेला बजारमा छ। केही दिन अघि रिलिज भएको “नयाँ गलबन्दी” गीतका शनिको सुमधुर आवाज सुन्न सकिन्छ। शनिका अलवा गीतमा गायिका देविका केशीको पनि आवाज रहेको छ। लोकप्रिय सर्जल शिव हमालले गीतको शब्द संगीत तयार पारेका हुन् ।

गीत निकै दमदार रहेको छ। गीतको अडियो उत्कृष्ट छ। गीतको अडियोसंगै भिडियो पनि आकर्षक अनि अब्बल बनाइएको छ। भिडियोमा लोकप्रिय नायक पल शाह र नायिका वर्षा राउत फिचर्ड छन् ।

पल र वर्षाको आकर्षक डान्स भिडियोमा देख्न सकिन्छ । त्यसो त पल र वर्षाको केमिस्ट्री पनि गजब देखिएको छ भिडियोमा। भिडियोलाई सुनिल क्षेत्रीले निर्देशन एवम् कोरियोग्राफी गरेका हुन् । आकर्षक फ्रेममा दुर्गा पौडेलले खिचेको भिडियोलाई अमृत चापागाईंले सम्पादन गरेका छन् ।

रिलिज भएको छोटो समयमा गीतले दर्शक स्रोताको सकारात्मक प्रतिक्रिया पाएको छ। युट्युवमा पनि ट्रेन्डिङको उकालोमा छ। गीत शिव हमालको युट्युब च्यानलबाट रिलिज गरिएको हो। भिडियो हेर्नुस् …