काठमाडौं : अहिलेका सर्वाधिक व्यस्त अनि लोकप्रिय नायक हुन् पल शाह। म्युजिक भिडियो हुँदै चलचित्र अभिनयमा होमिएका पल पछिल्लो समय म्युजिक भिडियो अभिनयमा निकै व्यस्त छन् । पल अभिनित म्युजिक भिडियो दिनहुँजसो रिलिज भइरहेका छन् । साथै पल पनि दिनहुुँ म्युजिक भिडियो सुटिङमै व्यस्त छन् ।
यसैबीच, म्युजिक भिडियो सुटिङकै क्रमम पल यतिबेला दाङमा छन् । त्यसो त दाङ पलको गृह जिल्ला समेत हो। दाङमा जन्मिएका पलको बसाइ काठमाडौंमा छ। तथापि बेलाबेला पल दाङ पुग्ने गर्छन् । यसपटक भने एउटा थारु गीतको म्युजिक भिडियो सुटिङका लागि दाङ पुगेको पलले बताए।
यतिबेला दाङमा रहेका पललाई जिल्लावासीले भव्य स्वागत गरेका छन् । जुन कुरा पलले शनिबार मात्रै आफ्नो फेसबुक अकाउन्टबाट सार्वजनिक गरेको तस्वीरमा झल्किन्छ। तस्वीरमा पललाई दाङबासीले झपक्क घेरेका छन् । पललाई हेर्न अनि पलसंग तस्वीर खिचाउन आउनेको संख्या निकै बाक्लो छ। जसले गर्दा पल निकै खुशी छन् । हेर्नुस् तस्वीर :
