काठमाडौं : दर्शक स्रोताको रोजाइका गायकको लिस्टमा पर्ने गायक हुन् सनिश श्रेष्ठ । भ्वाइस अफ नेपालबाट एक किसिमको क्रेज बनाएका सनिशको आवाजलाई रुचाउने दर्शक स्रोता असंख्य छन् । सनिशका गीत बजारमा थोरै छन् । तर अधिकांस गीत चर्चामा छन् ।
यसैबीच, सनिशको आवाजमा रहेको एउटा नयाँ गीत यतिबेला बजारमा छ। केही दिन अघि “आइक्याच स्टुडियो” नामक युट्युब च्यानलबाट रिलिज भएको “तिमी आउने आशैमा” बोलको गीतमा सनिशको सुमधुर आवाज सुन्न सकिन्छ।
गीतमा मनिश श्रेष्ठ र विपना राइको शब्द रहेका छन् ।भने, संगीत दिने काम मनिश श्रेष्ठले नै गरेका छन् ।गीत मेलोडियस अनि प्रेमिल छ। उर्गेन दोङ्ले गीतको अरेन्ज गरेका हुन् ।
त्यसो त, भिडियो पनि उत्कृष्ट बनेको छ। भिडियोमा जीवन गुरुङ र प्रिया लिम्बू फिचर्ड छन् । प्रिया र जीवनको केमिस्ट्री भिडियोमा गजब देखिएको छ। भिडियोलाई प्रमोद के भण्डारीले निर्देशन गरेका हुन् । ज्ञानेन्द्र शर्मा हुमागाइको टिमले आकर्षक फ्रेममा खिचेको भिडियोका सम्पासक दिन्शन शाह हुन् । हेर्नुस् भिडियो..
