ज्ञानु संगम खड्का/नेपालगन्ज : मेलोडियस गीत गाउन निपुण लोकप्रिय गायक सुनिल गिरीको फेरि अर्को नयाँ मेलोडियस गीत रिलिज भएको छ।

“झरी परेको रात” बोलको गीत गायक गिरीले बिहीबार आफ्नो जन्मदिनको अवसरमा रिलिज गरेका हुन् । गीतमा सुनिलकै शब्द अनि संगीत रहेको छ। भने, त्रिसला गुरुङ र सुनिलले गीतमा मेलोडियस आवाज दिएका छन् ।

ग्रामीण भेगमा गरिने चोखो अनि प्रेमिल जोडीको प्रेमलाई आफ्नो गीत मार्फत प्रस्तुत गर्न सिपालु सुनिलले यस गीतमा पनि प्रेमिल जोडीको कथा प्रस्तुत गरेका छन् । झरी परेको रातमा चोखो माया गर्ने जोडीको एकै स्थानमा बस्ने चाहलाई सुनिलले प्रेमिल तरिकाले गीतमा आभास गराएका छन् ।

यो गीत सुन्दा प्रेममा बाँधिएका प्रेम जोडीले आफ्नै लागि बनाएको आभास गर्ने गर्छन् । गीतको अडियो एकदम मेलोडियस बनेको छ। समग्रमा गीतको अडियो एकदम उत्कृष्ट छ।

गीतको भाव अनुसार भिडियो पनि त्यतिकै आकर्षक रहेको छ। भिडियोमा श्रेया शर्मा र सुनिल फिचर्ड छन् । उनीहरूको केमिस्ट्री भिडियोमा गज्जबको देखिएको छ। भिडियोका निर्देशक पनि सुनिल नै हुन् । भिडियोलाई अनिल के मानन्धरले खिचेका हुन् भने बिबेक बिकले सम्पादन गरेका हुन् ।

गीतको भिडियो सुनिल गिरीको अफिसियल युटुब च्यानलबाट रिलिज गरिएको हो। हेर्नुस् भिडियो..