काठमाडौं : नेपाली सांगीतिक क्षेत्रमा उदाउँदो कलाकारको नाम हो अमित सुनार। गीत लेख्न, गाउन र अभिनय गर्न निकै रुचाउने अमित एक संघर्षरत कलाकार हुन् । गीत संगीत बाहेक म्युजिक भिडियो सम्पादनमा समेत दखल राख्ने अमितको एउटा नयाँ गीत यतिबेला बजारमा छ।
केही दिन अघि रिलिज “कमला मेरो ज्यान सम्हाल” बोलको गीतम्क्क अमितको सुमधुर आवाज सुन्न सकिन्छ। त्यस्तै अमितलाई गायनमा लोकप्रिय गायिका जमुना सनमले साथ दिएकी छिन । गीतको शब्द अनि संगीत अमितले नै तयार पारेका हुन् । तीजलाई लक्षित गरेर बजारमा ल्याइएको उक्त गीत डान्सिङ प्याटर्नको छ। गीतका अरेन्जर एचबिएन किस्मत हुन् ।
गीतको अडियोसंगै भिडियो पनि आकर्षक बनाइएको छ। भिडियोमा सुबर्ण दुलाल, बिना विश्वकर्मा, सुनिल बिक, अमित सुनार लगायतका कलाकारहरुलाई देख्न सकिन्छ।
करण चैसीरले भिडियोलाई आकर्षक फ्रेममा खिचेका हुन् । त्यस्तै, भिडियोको निर्देशन अमितले नै गरेका हुन् भने सम्पादन राजकुमार मगरले गरेका हुन् । गीत अमित सुनारको अफिसियल युट्युब च्यानलबाट रिलिज गरिएको हो। भिडियो हेर्नुस् …
