काठमाडौं : केही हप्ता अघि एउटा पोस्टर सामाजिक संजाल फेसबुकमा सार्वजनिक भयो। पोस्टरमा लेखिएको थियो “दिल दुखो”, अनि सार्वजनिक गर्ने व्यक्ति थिए देवेन्द्र बब्लु। उक्त पोस्टर थियो, बब्लुले ल्याउन लागेको नयाँ गीतको।

त्यसो त, देवेन्द्र एउटा कुशल कलाकारसंगै गायक एवम् सर्जक भनेर चिनिएका छन् नेपाली सांगीतिक क्षेत्रमा। आफ्नो एउटा बेग्लै पहिचान बनाएका बब्लुले निकाल्ने हरेक नयाँ गीत पृथक हुन्छन् भन्ने छाप बसिसकेको छ नेपाली दर्शक स्रोतामा। त्यसै अनुरुप उक्त “दिल दुखो”को पोस्टर हेरेर धेरै दर्शक स्रोता उत्साहित थिए, सुन्न अनि हेर्नलाई।

अन्ततः बब्लुको “दिल दुखो” बजारमा रिलिज भएको छ। धैयतामा रहेका दर्शक स्रोताको चाहा पूरा भएको छ। गीतमा शब्द, संगीत अनि स्वर देवेन्द्र बब्लुकै रहेको छ। यो गीत देवेन्द्रले यस् अघि बजारमा ल्याएका गीतहरू भन्दा नितान्त फरक छ। म्युजिकको बिट फास्ट भएपनि गीतको भाव मर्मस्पर्शी छ। अन्य गीतमा झैं देवेन्द्रले यस् गीतमा पनि उत्कृष्ट गायिकी पस्किएका छन् । देवेन्द्रको मनछुने मेलोडीलाई अरेन्जमेन्ट गर्ने काम कृष्ण बिक ‘भान्जा’ले गरेका हुन् ।

देवेन्द्र बब्बुकै युट्युब च्यानलबाट गीत भिडियो सहित रिलिज भएको हो। रिलिज पश्चात् गीतको अडियो भिडियो दुबैको चर्चा हुन थालेको छ। भिडियो समावेश कथा वस्तुले हेर्ने जोकोहीको मन छुन्छ।

एउटा प्रेमिल जोडीको चोखो प्रेम सम्बन्धमा धर्म भन्ने चिज तगारो बन्दा छुटिनु परेको कारुणिक पिडालाई भिडियोमा उत्कृष्ट अनि कलात्मक शैलीमा देखाइएको छ। भिडियोमा देवेन्द्र , विशाल घिमिरे, जेरि भण्डारी र अमर रावलको उत्कृष्ट अभिनय रहेको छ। उनीहरू विभिन्न धर्मको भुमिका निभाएका छन् ।

आफुले माया गर्ने मान्छेको मुखबाट धर्म मिल्दैन भनेर टाढिने रुखो बोली सुन्दा यता प्रेमीको दिल दुखेको कुरा गीतको भिडियोमा आभाष गर्न सकिन्छ। भिडियो निर्देशन देवेन्द्र स्वयंले नै गरेका हुन् । त्यस्तै, कृयटिभ निर्देशकको रुपमा विशाल घिमिरे छन् । त्यसो त, देवेन्द्रले आफ्ना हरेक प्रोजेक्ट विशालसंगै मिलेर सहकार्य गर्ने गर्छन् । देवेन्द्रको परिकल्पना संगै विशालको कृयसन पक्ष निकै उत्कृष्ट छ भिडियोमा।

भिडियोलाई आकर्षक फ्रेममा खिच्ने काम अनिल के मानन्धरले गरेका छन् भने सम्पादन अनि कलर दिन्सन शाहले गरेका हुन् । गीतको अडियो भिडियो दुबैलाई लिएर दर्शक स्रोताले युट्युबमा राम्रो प्रतिक्रिया दिएका छन् । भिडियो..