ज्ञानु संगम खड्का/नेपालगन्ज : हिन्दु नारीहरुको महान चाड हरितालिका तीज नजिकिँदै गर्दा बजारमा विभिन्न प्रकारका तीज गीत सार्वजनिक भइरहेका छन् ।
यसैबीच, चर्चित लोक दोहोरी गायक चन्द्र शर्माको पनि नयाँ तीज गीत सार्वजनिक भएको छ। बुधबार सार्वजनिक “बाटुलो ऐना” बोलको गीतमा चन्द्र शर्मा र मन्जु ज्योति गौडेल पान्डेको सुमधुर आवाज रहेको छ। गीतमा रबिन लामिछानेको शब्द तथा संगीत रहेको छ। पेसाले स्वास्थ्यकर्मी रहेकी मन्जुको यो दोस्रो गीत हो।
मन्जु र चन्द्रको गायिकी गीतमा उत्कृष्ट छ। गीत सुन्दा जोकोहीलाई नाँचौ नाँचौ लाग्ने गर्छ। गीतको अडियो पक्ष एकदम उत्कृष्ट रहेको छ।
गीतको अडियोसंगै भिडियो पनि एकदम आकर्षक बनेको छ । भिडियोमा चर्चित डान्सर शंकर बिसी र अन्जली अधिकारीको धमाकेदार डान्स देख्न सकिन्छ। दुर्गा पौडेलले खिचेको भिडियोलाई शंकरले नै निर्देशन गरेका हुन् भने नवीन घर्तीमगरले सम्पादन गरेका हुन् ।
गीतको भिडियो गायक चन्द्र शर्माको अफिसियल युटुब च्यानलबाट सार्वजनिक गरिएको हो। हेर्नुस् भिडियो…
