ज्ञानु संगम खड्का/नेपालगन्ज : पछिल्लो समय आफ्नो सुमधुर अनि मौलिक आवाज मार्फत लाखौं स्रोता दर्शकको मनमा बस्न सफल गायक हुन् बिक्रम परियार । संख्यात्मक भन्दा गुणात्मक गीतहरू गाउने उनै बिक्रमको नयाँ गीत सार्वजनिक भएको छ।

बिहीबार सार्वजनिक “आधा माया” बोलको गीतमा बिक्रम र सुमधुर आवाजकी खानी गायिका सुनिता बुढा छेत्रीको स्वर रहेको छ। गीतमा चर्चित सर्जक प्रल्हाद सुवेदीको शब्द रहेको छ। त्यस्तै चर्चित गायक तथा संगीतकार वसन्त थापाले गीतमा संगीत दिएका छन् ।

आजसम्म बजारमा आएका गीतहरु भन्द एकदम फरक अनि मेलिडियस उक्त गीतको अडियो पक्ष एकदम उत्कृष्ट छ। गीतमा बिक्रम र सुनिताको गायिकी पनि सशक्त छ। केही दिन अघि मात्रै यस गीतको टिजर सार्वजनिक भएको थियो। टिजर सार्वजनिक भएलगत्तै यसगीतको पूरा भिडियो हेर्न र गीत सुन्न दर्शक स्रोता एकदम प्रतिक्षामा थिए।

गीतको भाव अनुसार भिडियो पनि एकदम आकर्षक अनि उत्कृष्ट रहेको छ। भिडियोले हेर्ने जोकोहीको मन लोभ्याउने गर्छ। भिडियोमा नेपाली चलचित्र क्षेत्रका चर्चित नायक दिलिप रायमाझी र ऐश्वर्या सुनार फिचर्ड छन् । दिलिप र ऐश्वर्यको जोडि भिडियोमा गज्जब देखिएको छ।

भिडियोलाई नवराज उप्रेतीले एकदम आकर्षक फ्रेममा खिचेका छन् । भिडियोमा लोकेशनलाई पनि एकदम ध्यान दिइएको छ। त्यस्तै भिडियोका निर्देशक तथा कोरियोग्राफर सुनिल छेत्री हुन् । उनले गीतको भाव अनुसार भिडियोमा स्क्रिन प्ले गराएका छन् । भिडियोलाई अमृत चापागाईंले सम्पादन गरेका छन् ।

भिडियो हेर्दा एकदम उच्च बजेटमा निर्माण भएको अनुमान लगाउन सकिन्छ। भिडियो स्रोता संगीतको अफिसियल युटुब च्यानलबाट सार्वजनिक गरिएको हो। हेर्नुस् भिडियो..