काठमाडौं : केही हप्ता सामाजिक संजाल फेसबुकमा एउटा स्टाटस आउट भयो। त्यो स्टाटसमा लेखिएको थियो “भण्डारीको गोठ कमिङ सुन” भनेर । उक्त स्टाटस लेख्ने व्यक्ति थिए राजन श्रेत्री। राजनकै फेसबुक अकाउन्टबाट उक्त स्टाटस पोस्ट हुने बित्तिकै अधिकांशले कमेन्ट गर्न थाले आखिर के हो भण्डारीको गोठ ? भनेर।

त्यसो त, राजन क्षेत्री एक अब्बल गीत संगीत निर्माण गर्ने निर्माता भनेर पछिल्लो समय नेपाली सांगीतिक क्षेत्रमा परिचय बनाएका व्यक्ति हुन् । गीत संगीत बजारमा ल्याउने कार्य गर्दै आएको भएर राजनले लेखेको “भण्डारीको गोठ” पनि गीत नै होला भन्ने अनुमान धेरैले लगाइसकेका थिए। वास्तवमै भण्डारीको गोठ एक गीतको शीर्षक थियो।

केही हप्तामै इनेपाल खबरको अफिसियल युट्युब च्यानलबाट रिलिज हुन लागेको उक्त गीतलाई लिएर दर्शक स्रोता रिलिज पुर्व नै निकै उत्साहित छन् । उसो त, सांगीतिक क्षेत्रका व्यक्ति पनि यो गीतलाई लिएर उत्साहित भएको पाइन्छ। “आखिर के हो भण्डारीको गोठ ? के छ विशेष यस् गीतमा र भयो रिलिज पुर्व नै यतिधेरै चर्चा ?, भनेर धेरैले उत्सुकता जनाएका छन् ।

सांगीतिक क्षेत्रको इतिहासमै पहिलोपटक अनौठो नाम भएको गीत आउँदै गरेको भएर नाम सुन्ने जोकोहीलाई उत्सुकता जाग्ने गर्छ। स्टाटस मात्रै नभएर केही दिन अघि पल शाह, गरिमा शर्मा लगायतका कलाकारहरु आबद्ध पोस्टर रिलिज भएपछि झन दर्शक स्रोताको पर्खाइ बढेको पाइएको छ।

पोस्टरमा लेखिए अनुसार गीतमा हरि गिरी बिमर्शीको शब्द अनि संगीत रहेको छ। त्यस्तै, गीतलाई हरि स्वयंले गाएका छन्। हरिलाई बबिना किरातीले गायनमा साथ दिएकी छिन् । गीतको संगीत संयोजन एचबिएन किस्मतले गरेका छन् ।
एक आधुनिक अनि लोकपन मिश्रित अडियो बनेको निर्माण टिमले जनाएको छ।

पोस्टरमा पल शाह र गरिमा शर्मालाई देख्ने बित्तिकै यस् गीतको भिडियो पनि निकै आकर्षक बनेको हुनुपर्ने अनुमान लगाउन सकिन्छ। भिडियोलाई अहिलेका व्यस्त अनि लोकप्रिय निर्देशक मौसम हिमाले निर्देशन गरेका हुन् भनेगर्दै केही केही दिन अघि मात्रै छायांकन कार्य सकिएको बुझिएको छ।

पल शाह, गरिमा शर्माका अलवा अनिता बस्नेत , निक्स शर्मा, लगायतका अब्बल कलाकारहरुको अभिनय रहेको पनि निर्माण टिमले जनाएको छ। आज सम्मकै फरक अडियो भिडियो बनेको यस् गीतका सर्जक एवम् गायक हरि गिरी बिमर्शी बताउँछन् । त्यस्तै, अडियो आफैमा अब्बल रहेको र भिडियो त्यहि अनुसार आकर्षक अनि उत्कृष्ट बनाउने प्रयास गरेको निर्देशक मौसम हिमालीको भनाइ छ।

त्यसो त, निर्माण टिमले सुटिङ गरेपश्चात सार्वजनिक गरेका तस्वीर हेर्दा भिडियो निकै आकर्षक बनेको हुनुपर्ने आभाष हुन्छ। छायांकन सकेर पोस्ट प्रोडक्सनको कार्यमा जुटेको निर्माण टिमले गीत यसै हप्ता भित्र रिलिज गर्ने तयारी रहेको जनाएको छ।

दिग्गज कलाकार पल शाह लगायतका कलाकार आबद्ध यस् गीतको रिलिज पुर्व नै जति चर्चा छ, त्यति चर्चा रिलिजपछि हुन्छ कि हुँदैन त्यो त रिलिज मिति नै कुर्नुपर्ने हुन्छ।