काठमाडौं : नेपाली सांगीतिक क्षेत्रमा प्रेमिला अनि मेलोडियस गीत सृजना गर्न खप्पिस युवा सर्जक हुन् ज्ञानेन्द्र गिरी। संख्यात्मक रुपमा कमै गीत बजारमा आएता पनि चर्चाको हिसाबले दर्शक स्रोताको मनमा बसेका छन् ज्ञानेन्द्रका सृजनाहरु।

यसैबीच, उनको नयाँ गीत बजारमा रिलिज भएको छ। बिहिवार रिलिज “मायाको हल्ला भो” बोलको गीतमा ज्ञानेन्द्रको मनछुने शब्द संगीत सुन्न सकिन्छ। गीतमा लोकप्रिय गायिका एलिना चौहान र विवश बिक्रम नायकको मनछुने आवाज रहेको छ। गीत वियोगान्त शैलीमा बनेको छ। सधै झै रोमान्टिक अनि मेलोडियस गीत सृजना गर्ने ज्ञानेन्द्रले वियोगान्त गीत पनि गजब तरिकाले सृजना गर्न सक्छन् भन्ने स्पष्ट यसै गीतबाट हुने गर्छ।

गीतको अडियोसंगै भिडियो पनि आकर्षक बनेको छ। भिडियो गायिका एलिना चौहान स्वयं फिचर्ड छिन् । एलिनाका अलवा कम्लेस बराल लगायतका कलाकारहरुलाई पनि भिडियोमा देख्न सकिन्छ । जातकै कारणले समाजमा प्रेम सम्बन्धमा बाधा पुर्याएको कथालाई भिडियोमा देखाइएको छ।

भिडियोलाई राहुल बराइलीले निर्देशन गरेका हुन् । त्यस्तै, नरेश अएरले खिचेको भिडियोलाई विकाश ज्ञवालीले सम्पादन गरेका हुन् । गीत गायिका एलिना चौहानको अफिसियल युट्युब च्यानलबाट रिलिज गरिएको हो। यस्तो छ भिडियो..