काठमाडौं : त्यसो त, विशाल निरौला नेपाली सांगीतिक क्षेत्रका अब्बल सर्जक एवं गायकको रुपमा चिनिन्छन। गायन र गीत संगीत सृजना मात्रै नगरेर म्युजिक अरेन्ज पनि गर्न सक्ने भएकोले पछिल्लो समय व्यस्त म्युजिक अरेन्जरको रुपमा पनि आफ्नो छवि बनाएका छन् विशालले।

अरेन्जमा पनि अब्बल छन् विशाल। उनले अरेन्ज गरेका अधिकांश गीतहरू दर्शक स्रोता माझ लोकप्रिय छन् । प्रायः मेलोडियस प्रेमिल गीत गाउने अनि सृजना गर्ने गर्छन् विशाल। तर विशालले हालै मात्र एउटा सेन्टिमेन्टल आधुनिक गीत रिलिज गरेका छन् ।

केही दिन अघि रिलिज “फेरि देख्न नपरोस्” बोलको गीतमा विशालकै शब्द, संगीत, स्वर सुन्न सकिन्छ। गीत निकै मनछुने छ। प्रेम वियोगको पिडालाई विशालले गीतमा उतारेका छन् । गीतको म्युजिक अरेन्ज पनि विशाल स्वयंले नै गरेका हुन् ।
यसरी उनको प्रतिभा हेर्दा प्रतिभाको धनी देखिन्छन् विशाल।

सुन्दा जति मनछुने छ यो गीत, भिडियोमा हेर्दा झन मार्मिक छ। गीतको भाग अनुसार भिडियो बनाइएको छ। भिडियोमा लोकप्रिय कलाकारहरु विजय पुन, निरुता शाही, सृजन भट्टराई लगायतका फिचर्ड छन् ।

प्रेम सम्बन्धलाई विवाहमा परिणत गर्नै लाग्दा युवतीले धोका दिएको कथालाई भिडियोमा देखाइएको छ। विजय र निरुताको अभिनय जीवन्त छ भिडियोमा। भिडियोलाई सृजन बरालले निर्देशन गरेका हुन् । दिपक गिरीले खिचेको भिडियोका सम्पादक अमृत चापागाईं हुन् । भिडियो विशाल निरौलाको अफिसियल युट्युब च्यानलबाट रिलिज गरिएको हो। हेर्नुहोस भिडियो..