काठमाडौं : अभिनेत्री जेनी कुवरले आत्महत्या गरेकी छिन् । विगत लामो समयदेखि नेपाली चलचित्रमा क्रियाशिल जेनीले बिहीबार वानेश्वर थापागाउँ स्थित आफु बस्दै आएको सनराइज सिटी अपार्टमेन्टमा उनले आत्महत्या गरेको प्रहरीले पुष्टि गरेको छ ।
उनले बिहीबार राति करिब ९ बजे आत्महत्या गरेको खुल्न आएको छ। जेनीले आत्महत्या गर्नुअघि सुसाइट नोट पनि लेखेको प्रहरीले जनाएको छ। तर प्रहरीले सुसाइट नोट भने सार्वजनिक गरेको छैन।
जेनीले घायल, बज्रपात, जिन्दगी , मैदान लगायत दर्जनौं चलचित्रमा अभिनय गरिसकेको थिइन् । उनको आत्महत्याको खबरले यतिबेला चलचित्र नगरी शोकमा डुबेको छ। घटनाको थप अनुसन्धान प्रहरीले गरिरहेको बताइएको छ।
