काठमाडौं : गत वर्ष देश विदेशमा चौतर्फी चर्चा पाएको गीत हो “नाच्ने हो छेउछेउमा” बोलको गीत। समसामयिक विषयमा आधारित भएर पनि होला यो गीतलाई गत वर्ष दर्शक स्रोताले अत्याधिक रुचाए । जुन गीतमा शब्द, संगीत अनि स्वर प्रबिन भट्टको रहेको थियो।

त्यसो त, प्रविन एक अब्बल म्युजिक भिडियो सम्पादक हुन् । तर उनको परिचय सांगीतिक क्षेत्रमा फराकिलो छ। प्रबिन, म्युजिक भिडियो निर्देशक पनि राम्रो गर्छन् । गायनमा पनि अब्बल भन्ने कुरा “छेउछेउमा” गीतले प्रस्ट पारिसकेको छ। तीज गीत भनेर गत वर्ष मेल भर्सनको रुपमा बजारमा ल्याइएको यस् गीत यो वर्ष फिमेल भर्सनमा रिलिज भएको छ।

गायिका बबिना किरातीले फिमेल भर्सन दमदार आवाज दिएकी छिन् । बबिताको दमदार आवाजलाई न्याय दिने, दमदार भिडियो पनि बनेको छ यसपालि । भिडियोमा लोकप्रिय डान्सर कविता नेपालीको आकर्षक डान्स देख्न सकिन्छ। कविताका अलवा भिडियोमा आकिरा राई, एनिला ठकुरी, बबिता पोखरेल, रिया सुन्दास र रिमा बिश्वकर्माको पनि आकर्षक डान्स भिडियोमा रहेको छ।

भिडियोलाई प्रकाश भट्टले निर्देशन गरेका हुन् । त्यस्तै, एकोरियोग्राफी अस्मि भुजेलको रहेको छ । आकर्षक तरिकाले नवराज उप्रेतीले खिचेको भिडियोलाई प्रबिन भट्टले सम्पादन गरेका हुन् भने दिन्सन शाहले कलर गरेका हुन् । भिडियो साइभिजनको अफिसियल युट्युब च्यानलबाट रिलिज भएको हो। हेर्नुस् भिडियो..