काठमाडौं : नेपाली सांगीतिक क्षेत्रमा आफ्नो छुट्टै पहिचान बनाउन सफल मोडल हुन् धुर्व हिमाली। अब्बल अभिनय गर्न सक्ने क्षमता भएका धुर्वले हालसम्म हजारौं भिडियोमा अभिनय गरिसकेका छन् । जसमध्ये अधिकांश भिडियो दर्शकले रुचाएका छन् ।

यसैबीच, धुर्व अभिनित एउटा नयाँ म्युजिक भिडियो यतिबेला बजारमा छ। केही दिन अधि रिलिज भएको “जिउने आधार” बोलको म्युजिक भिडियोमा धुर्वको जीवन्त अभिनय देख्न सकिन्छ। भिडियोमा समाबेश गीतमा लोकप्रिय गायिका रचना रिमाल र ऋषिकेश पाण्डेको सुमधुर आवाज रहेको छ। गीतको शब्द धुर्वले नै लेखेका हुन् ।भने, संगीत अमितबाबु रोकायको रहेको छ।

गीतको अडियो सुन्दा जति मनछुन्छ, भिडियो हेर्दा झन उत्कृष्ट लाग्नेगर्छ। धुर्वसंगै मोडल सुष्मा थापा पनि भिडियोमा फिचर्ड छिन् । प्रेम सम्बन्ध टुटेपछिको कथालाई भिडियोमा उत्कृष्ट तरिकाले देखाइएको छ।

भिडियोलाई कृष्ण बिसीले निर्देशन गरेका छन् । महेश महराले आकर्षक फ्रेममा खिचेको भिडियोलाई मनोज कार्कीले सम्पादन गरेका हुन् । भिडियो हिम सम्झौता डिजिटलको अफिसियल युट्युब च्यानलबाट रिलिज गरिएको हो। हेर्नुस् भिडियो…