काठमाडौं- बेला बेलामा चर्चामा आईरहने लामो समयदेखि नेपाली चलचित्र क्षेत्रमा देखिदै आएकी नायिका हुन् सुष्मा कार्की । त्यसो त सुष्मा सिने जगतमा रुचाइएकी अभिनेत्री पनि हुन् । विशेष त उनी सिनेमाको आइटम गीतहरुमा देखिने गर्छिन् । चलचित्र ‘लुट’ मा रहेको आइटम गीत ‘उद्रेको चोली हेर’ गीतले उनको निकै चर्चा चुलिएको थियो ।
नेपालमा भन्दा पनि विदेशमा दिनहरु बिताउँदै आएकी उनले समय समगमा उनको हट अवतारमा तस्बिरहरु पोस्ट गर्छिन् ।मोडलिङबाट करियर शुरु गरेकी उनले एक दर्जन भन्दा धेरै चलचित्रमा अभिनय गरेकी छिन् । उनी फिल्मका कारण चर्चामा नआएपनि विभिन्न फन्डाका कारण संचारमाध्यममा हटकेकका रुपमा देखिन्छिन् । अहिले लकडाउनको समयमा सुष्मा के गर्दैछिन् त ?
उनले सामाजिक संजाल इन्टाग्राममा लकडाउनमा आफूले बिताएको समय सार्वजनिक गरेकी छिन् । उनको यो तस्वीरहरु सामाजिक सञ्जालमा भाइरल बनेका छन् । गीतमा मस्त अनि निकै नै बोल्ड अवतारमा देखिएकि सुष्माको हातमा वाईन छ ।
फिल्ममा हिट नभएपनि उनी सामाजिक संजालमा भने निकै हिट छन् । जहाँ उनले निकै हट तस्बिर र भिडियो शेयर गरिरहन्छिन् । कुनै बेला नेपाली चलचित्रको आइटमदेखि अभिनयमा समेत व्यस्त रहने नायिका सुष्मा कार्कीको हातमा यतिबेला खासै चलचित्र छैन ।
