काठमाडौं : त्यसो त, मेल भर्सन चलेपछि फिमेल भर्सन अनि फिमेल भर्सन चलेपछि मेल भर्सन निकाल्ने क्रम नेपाली सांगीतिक क्षेत्रमा पछिल्लो सनय बढ्दो छ। दर्शक स्रोताले नै कुनै गीत चकिसकेपछि मेल एवम् फिमेल भर्सनको माग गीत निर्माण टिमसंग गरेको पनि पाइन्छ।

यस्तै, मेल भर्सन रुचाइएको “धोका दियौ” बोलको गीतको पनि पछिल्लो केही हप्तायता दर्शक स्रोताको फिमेल भर्सन सुन्न र हेर्न चाहने माग बढ्यो। जुन कुरा “धोका दियौ”को मेल भर्सन रिलिज भएको आहा टिभीको युटुब च्यानलको कमेन्ट बक्समा देख्न सकिन्छ। लोकप्रिय गायक प्रमोद खरेलको आवाजमा रहेको यस् गीतको मेल भर्सन केही हप्ता अघि रिलिज भएको हो। गीतलाई रिलिज भएको छोटो समयमै अत्याधिक रुचाइयो। सुवास कार्कीको शब्द अनि संगीत रहेको उक्त गीत टिकटकमा पनि लोकप्रिय बन्यो।

अन्ततः सबैतिर रुचाइएपछि निर्माण टिमले दर्शक स्रोताको मागलाई मध्यनजर गर्दै फिमेल भर्सन पनि यतिबेला बजारमा रिलिज गरेको छ। लोकप्रिय गायिका एलिना चौहानको मनछुने आवाज फिमेल भर्सनमा सुन्न सकिन्छ। मेल भर्सन जत्तिकै उत्कृष्ट अडियो फिमेल भर्सनको पनि रहेको छ। फिमेल भर्सनलाई पनि दर्शक स्रोताले रुचाउन थालिसकेका छन् ।

फिमेल भर्सनको अडियो सुन्दा जति मन छुन्छ, भिडियो हेर्दा झन भावुक बनाउँछ। कारण हो, गीतको भाव अनुसार भिडियो निर्माण गरिएको छ। प्रेमिल प्रेम जोडीमो प्रेम वियोगको कथालाई उत्कृष्ट शैलीमा भिडियोमा देखाइएको छ। भिडियोमा पछिल्लो समयका लोकप्रिय कलाकार चिरञ्जीवी सापकोटा (जिबी चिरण)को जीवन्त अभिनय रहेको छ। चिरञ्जीवीसंगै भिडियोमा कृतिशा केसीलाई पनि भिडियोमा देख्न सकिन्छ। कृतिशा र चिरञ्जीवीको कारुणिक अभिनयले हेर्ने जोकोहीको मन भावुक गराउँछ।

उसो त, चिरञ्जीवी पछिल्लो समय दर्शलले सर्वाधिक रुचाएका कलाकार हुन् । यस् गीतको मेल भर्सन भिडियोमा पनि चिरञ्जीवीनै फिचर्ड थिए। कलाकार रोश्नी कार्की र चिरञ्जीवी बीचको प्रेम वियोगको कथा रहेको मेल भर्सनको कथालाई नै फिमेल भर्सनमा निरन्तरता दिइएको निर्माण टिमले जनाएको छ।

फिमेल भर्सनमा चिरञ्जीवीले कृतिशालाई धोका दिइएको देखाइएको छ। धोका पाएपछिको कृतिशाको अवस्था निकै कारुणिक देखिन्छ। समग्रमा चिरञ्जीवी र कृतिशाले जीवन्त अनि उत्कृष्ट अभिनय गरेका छन् । भिडियोलाई सुरेश मल्ल ठकुरीले निर्देशन गरेका हुन् ।

नरेश अएरले आकर्षक फ्रेम अनि लोकेशनमा खिचेको भिडियोलाई दिन्शन शाहले सम्पादन एवं कलर गर्ने कार्य गरेका छन् । भिडियो आहा टिभीको अफिसियल युटुब च्यानलबाट रिलिज गरिएको हो। हेर्नुस् भिडियो…