
काठमाडौं : त्यसो त पछिल्लो समय अब्बल कोरियोग्राफर तथा निर्देशक भनेर चिनिएका निर्देशक हुन् सुनिल क्षेत्री। विगत लामो समयदेखि आफुलाई म्युजिक फिल्डमा क्रियाशिल गराउँदै आएका सुनिल एक अब्बल डान्सर पनि हुन् ।
उनको कलाकारिता सुरुवात डान्सबाट भएतापनि आफुले यतिका वर्ष सिकेको डान्सलाई सुनिलले पछिल्लो समय धेरै कलाकारहरुलाई म्युजिक भिडियोमा सिकाइरहेका छन् । नेपाली म्युजिक फिल्डमा सुनिलको पहिचान बेग्लै किसिमको छ। उत्कृष्ट एवम् अब्बल म्युजिक भिडियो निर्माण गर्न सक्ने खुबी भएको निर्देशक भनेर पछिल्लो समय धेरैले चिन्न थालेका छन् ।
उनले अभिनय एवम् निर्देशन गरेका सयौं भिडियो बजारमा छन् । कतिपय म्युजिक भिडियो त अत्याधिक लोकप्रिय पनि छन् । संख्यात्मक भन्दा पनि गुणात्मक काम गर्न रुचाउने सुनिल पछिल्लो समय आफुले अभिनय कम र निर्देशन बढी गर्दै आइरहेका छन् । उनले अभिनय एवम् डान्सलाई जति मन पराइन्थ्यो, उनको निर्देशकिय पाटोलाई पनि दर्शकले एकदमै रुचाएका छन् ।
हालैमात्र सुनिल निर्देशित एउटा नयाँ म्युजिक भिडियो बजारमा रिलिज भएको छ। मंगलबार स्मिता स्नेह इन्टरटेन्मेन्टको अफिसियल युटुब च्यानलबाट रिलिज भएको “मै मत्ते जवानी” बोलको म्युजिक भिडियोमा सुनिलको उत्कृष्ट कोरियोग्राफी एवम् निर्देशकिय पाटो रहेको छ।
भिडियोमा समाबेश यस् गीतमा लोकप्रिय संगीतकार एवम् गायक राजराज शिवाकोटी र लोकप्रिय गायिका जुनु रिजाल काफ्लेको सुमधुर आवाज रहेको छ। गीतमा राजेन्द्र थापाका शब्दहरु रहेका छन् भने राजनराजकै संगीत रहेको छ। डान्सिङ प्याटर्नमा आधारित गीतका प्रत्येक शब्दहरू मौलिक छन् । विशुद्ध गाउँघरमा बोलिने शब्दहरुलाई सर्जक राजेन्द्र थापाले गीतमा उत्कृष्ट तरिकाले प्रस्तुत गरेका छन् । शब्दहरुको भावलाई मर्न नदिई राजनराजले त्यस्तै मीठो मेलोडियस संगीत दिएका छन् । जुन कुरा गीतको अडियो सुन्दा आभाष हुनेगर्छ ।
गीत बजारमा आइरहेका अन्या गीतहरू भन्दा बिलकुल फरक छ, मौलिक छ। गीतको अडियो जति दमदार छ, भिडियो झन आकर्षक अनि दमदार बनेको छ। भिडियोमा सुनिलनै देखिएका छन् भने सुनिलको जोडिको रुपमा पछिल्लो समयकी लोकप्रिय मोडल तथा डान्सर लुसिना लामिछाने रहेकी छिन् ।
त्यसो त, लुसिना र सुनिलले यस् भन्दा अघि केही म्युजिक भिडियोमा संगै देखिइसकेका छन् । जसमध्ये केही भिडियो त अत्याधिक लोकप्रिय पनि बने। त्यसै अनुरुप यो “मै मत्ते जवानी” बोलको भिडियोमा पनि सुनिल र लुसिनाको जोडी दमदार देखिएको छ। उनीहरूको जोडिमात्रै दमदार होइन डान्स पनि निकै दमदार छ।
हेर्ने जोकोहीको ध्यान भिडियोले सुरुदेखि अन्तिमसम्म खिच्ने गर्छ । भिडियोमा सुनिल र लुसिनाले गरेको डान्स अनि अभिनयले हेर्ने दर्शकको मन लोभ्याउँछ। गीतको भाव अनुसारनै सुनिलले भिडियो निर्देशन गरेका छन् ।
टिपिकल गाउँमै गएर भिडियो बनाइएको छ। भिडियो हेर्दा सुनिलले आफ्नो तर्फबाट निर्देशन, कोरियोग्राफी एवम डान्समा सतप्रतिशत दिएको भान हुन्छ। हेर्दा हेर्दै भिडियो सकिएको पत्तै हुँदैन। त्यस्तै, भिडियो हेर्दा अलि छोटो भएको होकि भन्ने पनि लाग्ने गर्छ। खैर भिडियोको सम्पुर्ण पक्ष उत्कृष्ट छ।
विभिन्न आकर्षक एवम् मनोरम लोकेशन अनि फ्रेममा दिपक गिरीले भिडियो खिचेका हुन् । त्यस्तै, भिडियोको सम्पादन एवम् कलर अमृत चापागाईंले गरेका हुन् । भिडियो….