काठमाडौं : विगत एक दशक बढी समयदेखि नेपाली सांगीतिक क्षेत्रमा म्युजिक भिडियो सम्पादन गर्दै आएका सम्पादक हुन् प्रबिन भट्ट। उत्कृष्ट सम्पादकको रुपमा आफ्नो छुट्टै पहिचान बनाएका प्रबिन बहुप्रतिभाको धनी छन् ।

उनलाई मल्टिट्यालेन्ट व्यक्तित्व भनेर पनि नेपाली सांगीतिक उद्योगमा चिन्ने गरिन्छ। किन भने प्रबिनले जति उत्कृष्ट म्युजिक भिडियो सम्पादन गर्छन् , त्यतिनै उत्कृष्ट भिडियो निर्देशन, गीत सृजना समेत गर्ने गर्छन् । उनले कहिलेकाही आफ्नो आवाजलाई सुहाउने आफ्ना सृजना गाउने पनि गर्छन् । जसको ज्वलन्त उदाहरण थियो गत वर्ष बजारमा आएको उनको “नाच्ने हो छेउछेउमा” बोलको गीत।

उक्त “छेउछेउमा” गीतले नेपाली सांगीतिक क्षेत्रमा एक किसिमको हंगामा मच्चाएको थियो। बालकदेखि वृद्धसम्मकाले गीतलाई मन पराएका थिए। त्यही गीतको लोकप्रियताबाट हौसिएका प्रबिनले यस् वर्षपनि एउटा नयाँ गीत बजारमा ल्याएका छन् ।

शुक्रबार प्रबिनको “गाँठो जिन्दगी” बोलको गीत साइ भिजनको अफिसियल युट्युब च्यानलबाट रिलिज भएको हो। गीतमा शब्द, संगीत अनि आवाज प्रबिनकै रहेको छ। एउटा बेरोजगार युवाको मनमा उत्पन्न हुने कुराहरू र कुन्ठालाई गीतमा प्रबिनले उत्कृष्ट तरिकाले उतारेका छन् ।

गीतको अडियो संगै भिडियो पनि आकर्षक बनेको छ। हेर्दा भिडियो सामान्य लागेपनि प्रबिनको अवतार भने बेग्लै प्रकारको रहेको छ। भिडियोमा पन्जाबी अवतारमा प्रबिन प्रस्तुत भएका छन् । उनको यो लुक्स धेरैले मन पराएका छन् ।

भिडियोलाई नवराज उप्रेतीले खिचेका हुन् भने प्रबिनले नै सम्पादन एवम् कलर गरेका हुन् । हेर्नुस् भिडियो..