काठमाडौं : एकपछि अर्को गर्दै नेपाली सांगीतिक क्षेत्रमा सहकार्य फापेको जोडी हो पल शाह र मलिका महतको जोडी। पिएम जोडीको उपनामले पनि चिनिने यस् जोडीका हरेक म्युजिक भिडियो लोकप्रिय हुन्छन् र भइपनि रहेका छन् ।

पिएम जोडी अभिनित फुलबुट्टे सारी र टाढा भएपनिको फिमेल भर्सनलाई छोटो समयमै दर्शकले अत्याधिक रुचाएका थिए। यसैबीच, पल र मलिका फेरि अर्को एउटा नयाँ म्युजिक भिडियोमा संगै देखिएका छन् ।

केन्द्र मोसन पिक्चर्सको व्यानरमा बनेको “आँखामा आउने सपनी” बोलको फिमेल भर्सनको म्युजिक भिडियोमा पल र मलिका पुनः एकसाथ देखिएका हुन् । जुन म्युजिक भिडियो शनिबार रिलिज भएको छ।

यस् अघिनै मेल भर्सन रिलिज भइ अत्याधिक रुचाइएको थियो। एकदेव लिम्बुको आवाजमा मेल भर्सन रहेको थियो भने फिमेल भर्सनमा चाहिँ सुनिता थेगिमको आवाज रहेको छ। गीतका सर्जक एकदेव लिम्बू नै हुन् । उनै शब्द अनि संगीत गीतमा रहेको छ।

मेलोडियस अनि प्रेमिल रहेको फिमेल भर्सनको अडियो जति उत्कृष्ट छ, भिडियो झन उत्कृष्ट बनेको छ। पल र मलिकाको अभिनयले भिडियोलाई सिंगारेको छ। कलेज पढ्ने युवायुवतीको प्रेमकथालाई भिडियोमा देखाइएको छ।

साँच्चिकै पल र मलिकाको जोडी भिडियोमा गजब देखिएको छ। उनीहरूको केमिस्ट्री उत्कृष्ट तरिकाले जमेको भिडियोमा देख्न सकिन्छ। पल र मलिकाको यो तेस्रो सहकार्य हो। भिडियोको परिकल्पना तथा निर्देशन सान थापाले गरेका हुन् ।

भिडियोलाई आकर्षक फ्रेम अनि मनोरम लोकेसनमा बुद्ध थापाको टिमले खिचेको हो। केन्द्र मोसन पिक्चर्सको युटुब च्यानलबाट रिलिज भएको उक्त गीतका प्रोड्युसर केन्द्र लिम्बू र अर्बिन पोमु लिम्बू हुन् । सुप्रीम पराजुलीले भिडियो सम्पादन गरेका हुन् । हेर्नुस् भिडियो..