काठमाडौं : नेपाली सांगीतिक क्षेत्रमा अब्बल अभिनयका साथ दर्शकमाझ चिनिएका कलाकार हुन् प्रथम क्षेत्री। जीवन्त अभिनय गर्न सक्ने क्षमता भएका प्रथम विगत लामो समयदेखि कलाकारिता यात्रामा संघर्षरत छन् ।

उनले अभिनयका अलवा म्युजिक भिडियो समेत निर्देशन गर्ने गर्छन् । दर्जनौं बढी भिडियोमा अभिनय एवम् निर्देशन गरिसकेका प्रथम संख्यात्मक भन्दा पनि गुणात्मक काममा ध्यान दिन्छन् । उनी अभिनित केही म्युजिक भिडियो दर्शकमाझ एकदमै लोकप्रिय समेत छन् । यसैबीच, प्रथम अभिनित पछिल्लो नयाँ म्युजिक भिडियो रिलिज भएको छ।

केही दिन अघि रिलिज “सामीप्यता” बोलको म्युजिक भिडियोमा प्रथमको अभिनय रहेको छ। प्रथमका अलवा नेहा गुरुङ पनि भिडियोमा फिचर्ड छिन् । भिडियोमा समाबेश गीतमा लोकप्रिय गायिका प्रविशा अधिकारी र सुभाष पुरीको सुमधुर आवाज रहेको छ। गीतको शब्द टिआर गौडेल र दिपक आइडीको रहेको छ।भने, संगीत दिपक आडीकै रहेको छ।

गीत निकै प्रेमिल र मेलोडियस लाग्ने गर्छ। गीत सुन्दा जति आनन्द लाग्छ, भिडियो हेर्दा झन आकर्षक लाग्ने गर्छ। प्रथम र नेहाको जोडी भिडियोमा गजब देखिएको छ। एउटा प्रेमिल जोडीको प्रेम कथालाई भिडियोमा देखाइएको छ।

भिडियोका निर्देशक पनि प्रथम नै हुन् । प्रथमले जति मनमोहक अभिनय गरेका छन् , त्यतिनै उत्कृष्ट निर्देशन समेत गरेका छन् यस् भिडियोमा। उत्सव दाहालले आकर्षक फ्रेममा खिचेको भिडियोलाई सिलन लम्सालले सम्पादन गरेका हुन् । भिडियो स्लो मोसन पिक्चर्सको अफिसियक युट्युब च्यानलबाट रिलिज गरिएको हो। हेर्नुस् भिडियो…