काठमाडौं : त्यसो त नेपाली म्युजिक इन्डस्ट्रीमा छोटो समयमै एउटा छुट्टै पहिचान सहित स्थापित हुन सफल कम्पनी हो केन्द्र मोशन पिक्चर्स। विगत केही वर्षयता यो कम्पनीले विभिन्न किसिमका गुणस्तरीयता म्युजिक भिडियो उत्पादन गर्दै आएको छ।

यस् कम्पनीबाट उत्पादित र बजारीकरण भएका म्युजिक भिडियोहरु दर्शक स्रोतामाझ अत्याधिक लोकप्रिय छन् । लोकप्रिय गीतहरूको कुराकानी गर्नुपर्दा फुलबुट्टे सारी फिमेल भर्सन, टाढा भएपनि फिमेल भर्सन, सख्खर चिनी, यस्तो माया लगायत दर्जनौ लोकप्रिय म्युजिक भिडियोहरु केन्द्र मोसनले उत्पादन गरिसकेको छ्।

संख्यात्मक भन्दा पनि गुणात्मक काम गर्न रुचाउने केन्द्र मोशनले आगामी दिनहरुमा अझै राम्रा राम्रा म्युजिक भिडियोहरु देखि लिएर फिल्म निर्माण गर्ने योजना लिएको यस् कम्पनीका प्रबन्ध निर्देशक अर्बिन लिम्बुले फिल्मीपत्रको कुराकानीमा बताए।

यसैक्रममा केन्द्र मोसनले केही हप्तापछि बजारमा ल्याउन लागेको एउटा नयाँ गीतको लिरिकल भिडियो रिलिज गरेको छ। सोमबार रिलिज “भुल्ने बनाइदेउ” बोलको गीतमा लोकप्रिय गायक प्रताप दासको मनछुने आवाज रहेको छ।

गीतको शब्द विजय पुनले लेखेका हुन् । पत्थरको मुटुको उपनामले पनि चिनिने विजयले यस् गीतमा मर्मस्पर्शी शब्दहरु लेखेका छन् । भने संगीत ऋषि खड्काले भरेका हुन् । गीतमा विशाल निरौलाको अरेन्ज रहेको छ।

वियोगान्त प्रेम कथामा आधारित रहेको गीतको अडियो एकदमै मन छुने अनि मेलोडियस छ। यति उत्कृष्ट गीतको भिडियो कस्तो बन्छ होला भन्ने कौतुहलता यतिबेला धेरैमा छाएको छ।

बुझिए अनुसार निर्माण टिमले यस् गीतको अफिसियल भिडियो छिट्टै रिलिज गर्दै छ रे। भिडियोमा लोकप्रिय नायक पल शाह र नायिका मलिका महत फिचर्ड रहने बताइएको छ। भिडियोलाई कसले निर्देशन गर्दैछन् ,त्यो भने खुलाइएको छैन। यस् भन्दा अगाडि केन्द्र मोसनले उत्पादन गरेका गीतहरूमा रोमान्टिक अवतारमा देखिएका पल र मलिका वियोगान्त गीतमा भने कसरी प्रस्तुत हुन्छन् होला भन्ने विषयको पर्खाइ सबैमा रहेको छ।

लिरिकल भिडियोलाई भने सागर लामिछाने मगरले सम्पादन गरेका हुन् । लिरिकल भिडियो केन्द्र मोसन पिक्चर्सको अफिसियल युटुब च्यानलबाट रिलिज गरिएको हो।