काठमाडौं : मौलिक गीत गाउन र सृजना गर्न रुचाउने गायक तथा सर्जक हुन् यज्ञ बिक। बिगत लामो समयदेखि नेपाली गीत संगीतमा अनवरत रुपमा लागि परेका यज्ञले सयौं गीतमा आवाज दिइसकेका छन् ।

जसमध्ये उनका दर्जनौं बढी गीतहरू दर्शक स्रोता माझ लोकप्रिय पनि छन् । यसैबीच, उनको एउटा नयाँ गीत यतिबेला बजारमा छ। केही दिन अघि रिलिज “मायलाई पुरस्कार खाली जोवान” बोलको गीतमा यज्ञको सुमधुर आवाज सुन्न सकिन्छ।

गीतमा यज्ञका अलवा अर्की लोकप्रिय गायिका शान्ती श्री परियारको पनि सुमधुर आवाज रहेको छ। बजारमा रिलिज भइरहेका गीतहरू मध्ये एकदमै पृथल लाग्ने उक्त गीत सर्जक प्रह्लाद सुवेदीले लेखेका हुन् । भने, गीतमा यज्ञकै मेलोडियस संगीत रहेको छ।

गीतको अडियो एलदमै मेलोडियस लाग्छ। शान्ती र यज्ञको गायिकी गीतमा उत्कृष्ट सुनिएको छ। गीतको अडियो जति दमदार लाग्छ, भिडियो पनि त्यतिकै आकर्षक बनेको छ। गीतको भाव अनुसार भिडियो बनाइएको छ।

भिडियोमा पछिल्लो समयका व्यस्त अनि लोकप्रिय नायक पल शाह र मोडल यमुना रसाल फिचर्ड छन् । पल र यमुनाको दमदार डान्स भिडियोमा देख्न सकिन्छ। भिडियो हेर्दा उच्च मेकिङमा बनेको आभास हुनेगर्छ।

भिडियोमा परिकल्पना तथा निर्देशन सुनिल क्षेत्रीको रहेको छ। गजबको स्क्रिन प्ले सुनिलले भिडियोमा गराएका छन् । भिडियो आकर्षक अनि फरक फरक लोकेशनमा राजेश घिमिरेले खिचेका हुन् ।भने, सम्पादन गर्ने काम नवीन घर्ती मगरले गरेका छन् । भिडियो यज्ञ बिकको अफिसियल युट्युब च्यानलबाट रिलिज गरिएको हो। हेर्नुस् भिडियो..