काठमाडौं : नेपाली सांगीतिक क्षेत्रमा आफ्नो पृथक पहिचान बनाउन सफल गायक तथा सर्जक हुन् सन्तोष केसी। विगत लामो समयदेखि निरन्तर गीत संगीतमा लागिपरेका सन्तोषका हजारौं गीतहरू बजारमा छन् । जसमध्ये सयौं गीतहरू चर्चामा छन् ।

मौलिकपन बोकेका गीतहरू गाउन र सृजना गर्न बढी रुचाउने सन्तोष आधुनिक गीत पनि त्यतिकै उत्कृष्ट सृजना गर्नेगर्छन। यसैबीच, मौलिकपन बोकेको एउटा नयाँ पन्चेबाजा गीत बजारमा रिलिज गरेका छन् ।

केही दिन अघि रिलिज भएको “साली भेना” बोलको गीतमा सन्तोषले नै सुमधुर आवाज दिएका छन् । गीतमा लोकप्रिय गायिका अन्जु पन्तको पनि सुमधुर आवाज सुन्न सकिन्छ। वैवाहिक लगनको महिना बैशाखलाई लक्षित गर्दै उनको गीत रिलिज गरेका हुन् । गीतमा सन्तोष केसीकै शब्द अनि संगीत रहेको छ।

गीतको अडियो एकदमै उत्कृष्ट छ। गीत सुन्दा जति मज्जाको लाग्छ, भिडियो हेर्दा झन मन आकर्षित हुनेगर्छ। भिडियो झन दमदार बनाइएको छ। भिडियोमा कलाकार निता ढुंगाना, अनु शाह, नम्रता सापकोटा , बिमल अधिकारी, बिक्रम बुढाथोकी र रमेश केसी लगायतलाई देख्न सकिन्छ।

विवाहमा साली र भेना बीच हुने रमाइलोको कुरालाई भिडियोमा देखाइएको छ। भिडियो रिलिज भएको छोटो समयमै युटुब ट्रेन्डिङमा पनि पर्न सफल भएको छ। गीत र भिडियो दुबैलाई उत्तिकै रुचाइएको छ। टिकटकमा पनि हजारौं भिडियोहरु यस् गीतमा बनेका छन् ।

भिडियोलाई क्रान्ति केसीले निर्देशन गरेका हुन् ।राजेश घिमिरेले आकर्षक फ्रेममा भिडियो खिचेका छन् । भिडियो सम्पादन भने क्रान्तिले नै गरेका हुन । भिडियो सन्तोष केसीको अफिसियल युटुब च्यानलबाट रिलिज गरिएको हो।