काठमाडौं : नेपाली सांगीतिक क्षेत्रमा आफ्नो छुट्टै पहिचान बनाउन सफल सर्जक तथा गायक हुन् । पछिल्लो केही बर्षयता लगातार हिट गीत दिन सफल नरेशको फेरि एउटा नयाँ गीत रिलिज भएको छ।
बिहीबार रिलिज “आइ लभ यू भन्न पाए त” बोलको गीतमा नरेशकै सुमधुर आवाज रहेको छ। नरेशलाई गायनमा गायिका निरा छन्त्यालले साथ दिएकी छिन् । गीतको शब्द तथा संगीत नरेशकै रहेको छ। गीत एकदमै पृथक अनि मेलोडियस छ।
गीतको अडियो जति दमदार सुनिन्छ, भिडियो झन आकर्षक बनेको छ। भिडियोमा लोकप्रिय नायक पल शाह, मेक्सम खाती, प्रीज्मा खतिवडा र प्रीन्सी खतिवडा फिचर्ड छन् । उनीहरू चारैजनाको जोडी भिडियोमा गजब देखिएको छ।
भिडियोलाई काजिश श्रेष्ठले निर्देशन गरेका हुन् । आकर्षक अनि मनोरम लोकेशन सहित फ्रेममा खिचिएको भिडियोका सिनेम्याटोग्राफर बुद्ध थापा हुन् । भिडियोलाई दिपक विष्टले सम्पादन गरेका हुन् भने राजेन्द्र मोक्तानले कलर गरेका हुन् । भिडियो मेक्सम नरेश अफिसियल युटुब च्यानलबाट रिलिज गरिएको हो। हेर्नुस् भिडियो..
