काठमाडौं : प्रेमिला अनि मेलोडियस गीत सृजना एवम् गाउन खप्पिस भनेर नेपाली सांगीतिक क्षेत्रमा चिनिने गायक हुन् सुनिल गिरी। प्रायः ग्रामीण क्षेत्रका युवायुवतीको प्रेमलाई सुनिलले कलात्मक शैलीमा आफ्ना गीतहरुमा उतार्ने गर्छन् ।

गाउन मात्रै नभएर गीत सृजना गर्न पनि अब्बल सुनिलका सयौं गीतहरू बजारमा छन् । जसमध्ये दर्जनौं बढी गीतहरू त दर्शक स्रोता माझ एकदमै लोकप्रिय समेत छन् । यसैबीच, उनको एउटा नयाँ गीत रिलिज भएको छ।

शनिबार रिलिज “लेकाली भेगैमा” बोलको गीतमा सुनिलको सुमधुर आवाज रहेको छ। गीतको शब्द लोमन कुमार सुनारले लेखेका हुन् भने संगीत सुनिलले नै भरेका छन् ।गीत एकदमै प्रेमिल अनि मेलोडियस सुनिएको छ। सुन्ने जोकोहीको मन आनन्दित हुनेगर्छ।

गीतको अडियो जति मेलोडियस छ, भिडियो झन आकर्षक बनेको छ। भिडियोमा सुनिल स्वयं फिचर्ड छन् । सुनिलसंगै उर्मिला गुरुङलाई पनि भिडियोमा देख्न सकिन्छ। त्यसो त, सुनिल र उर्मीलाले यो भन्दा अघिका धेरै भिडियोमा पनि एकैसाथ काम गरिसकेका छन् । उनीहरूको जोडी भिडियोमा गजब देखिने गर्छ। त्यसै अनुरुप यो भिडियोमा पनि सुनिल र उर्मीलाको केमिस्ट्री गजब देखिएको छ।

एउटा प्रेम जोडीको प्रेमिल कथालाई भिडियोमा देखाइएको छ। कालिकोटका विभिन्न मनोरम स्थानहरूमा भिडियो खिचिएको छ। प्राकृतिक सुन्दरता र मेलोडियस गीतको आनन्द एकैपटक गीतले दिएको छ।

भिडियोलाई सुनिलले नै निर्देशन गरेका छन् । जितु तामाङले भिडियोलाई आकर्षक फ्रेममा खिचेका छन् । त्यस्तै, भिडियोको सम्पादन एवम् कलर मनोज कार्कीले गरेका हुन् । भिडियो सुनिल गिरीको अफिसियल युटुब च्यानलबाट रिलिज गरिएको हो। हेर्नुस् भिडियो..