काठमाडौं : पछिल्लो समय नेपाली सांगीतिक क्षेत्रमा राम्रो सम्भावना बोकेको गायिका हुन् विशाखा शाही । दाङकी विशाखा केही बर्ष पहिले एउटा युटुब च्यानलमा दिएको अन्तर्वार्तापछि लोकप्रिय बनेकी थिइन् ।

त्यसो त, नेपालमा सम्पन्न लोकदोहोरी क्षेत्रको पहिलो रियालिटी शो “नेपाल लोक स्टार”मा समेत उनले सहभागीता जनाएकी थिइन् । सुमधुर आवाजको धनी विशाखाको आवाजको निकै तारिफ हुनेगर्छ।

यसैबीच, उनले गाएको एउटा नयाँ गीत रिलिज भएको छ। विहिबार इनाक्षी इन्टरटेन्मेन्टको युटुब च्यानलबाट रिलिज भएको “कस्तो सुहाको”बोलको गीतमा विशाखाको मेलोडियस आवाज सुन्न सकिन्छ। गीतमा विशाखासंगै सुरेन चन्द ठकुरीको पनि आवाज रहेको छ।

डान्सिङ प्याटर्नमा आधारित उक्त गीतका सर्जक सिएल शर्मा हुन् । उनले मीठो शब्द लेख्नुका साथै मेलोडियस संगीत दिएका छन् । बजारमा आइरहेका गीतहरू मध्ये यो गीत पृथक मानिन्छ। सुरेन र विशाखाको गायिकी पनि गीतमा मिठास सुनिएको छ।

गीतको अडियो जति मीठो लाग्छ, भिडियो झन आकर्षक बनेको छ। भिडियोमा लोकप्रिय कलाकार पल शाह, सुधीर श्रेष्ठ र ट्विनी गर्ल (प्रीन्सी-प्रीज्मा खतिवडा ) फिचर्ड छन् । उनीहरूको आकर्षक अभिनयसंगै डान्स भिडियोमा देख्न सकिन्छ।

भिडियोको परिकल्पना तथा निर्देशन सान थापाले गरेका हुन् । त्यस्तै, अर्जुन तिवारीको टिमले आकर्षक फ्रेममा खिचेको भिडियोलाई सुप्रीम पराजुलीले सम्पादन गरेका हुन् । हेर्नुस् भिडियो…