काठमाडौं : लोकप्रिय मोडल सारिका केसी र आशिर प्रताप जंग अभिनित नयाँ म्युजिक भिडियो रिलिज भएको छ। केही दिन अघि “मलाई माया नगर नगर” बोलको म्युजिक भिडियो एबिएस म्युजिकको युटुब च्यानलबाट रिलिज भएको हो।
प्रेम वियोगको पिडामा आधारित उक्त गीतमा लोकप्रिय गायक शनि विश्वकर्मा र लक्ष्मी खड्काको सुमधुर आवाज रहेको छ। गीतमा युनिक भोजराज बिकको शब्द संगीत सुन्न सकिन्छ। गीत एकदमै मनछुने बनेको छ।
गीतको भाव अनुसार भिडियो निर्माण गरिएको छ। एउटा चोखो प्रेमिल प्रेम सम्बन्धमा रहेको जोडी बाध्यताले छुट्टिनु परेको कथालाई भिडियोमा देखाइएको छ। उक्त कथामा सारिका र आशिरको जीवन्त अभिनय रहेको छ।
भिडियोलाई कपिल लामाले निर्देशन गरेका हुन् । पछिल्लो समयका व्यस्त सिनेम्याटोग्राफर बिपिन क्षेत्रीले आकर्षक फ्रेममा खिचेको भिडियोलाई नवीन घर्तीमगरले सम्पादन गरेका हुन् । हेर्नुस् भिडियो…
